മഴക്കാലത്ത് ഇക്കാര്യങ്ങൾ ശ്രദ്ധിച്ചാൽ ഡെങ്കിപ്പനിയെ തുരത്താം
മഴക്കാല രോഗങ്ങളിൽ ഭീകരനാണ് ഡെങ്കിപ്പനി.
കൊതുകുകൾ വഴിയാണ് ഡെങ്കിപ്പനി മനുഷ്യരിലെത്തുന്നത്. കൊതുക് വളരാനുള്ള സാഹചര്യം തടയുകയാണ് പ്രധാന പ്രതിരോധം. നമ്മുടെ ചുറ്റുപാടും മഴവെള്ളം കെട്ടിക്കിടന്ന് കൊതുകുവളരാനുള്ള സാഹചര്യം ഒഴിവാക്കുക. കൂടുതൽ കൊതുകുള്ള ഇടങ്ങളിൽ കൊതുക് വലകൾ, മാെസ്ക്കിറ്റോ റിപ്പല്ലന്റ് തുടങ്ങിയവ ഉപയോഗിച്ച് കൊതുക് കടിയേൽക്കാതെ രക്ഷനേടുക.
ഡെങ്കി വൈറസ് പരത്തുന്ന കൊതുകുകൾ പകൽസമയവും കടിക്കുന്നവയാണ്. അതിനാൽ പകൽ സമയങ്ങളിലും കൊതുകുകടിയേൽക്കാതെ സൂക്ഷിക്കണം. പൊട്ടിയ മൺപാത്രങ്ങൾ, വെള്ളം നിറഞ്ഞ ചിരട്ടകൾ, ഉപേക്ഷിച്ച പ്ളാസ്റ്റിക് പാത്രങ്ങളും കുപ്പികളും, ടയർ തുടങ്ങിയവയിലെല്ലാം ഡെങ്കി വാഹകരായ കൊതുകുകൾ വളരും. അതിനാൽ പരിസരശുചീകരണത്തിൽ മഴക്കാലത്ത് ഏറെ ശ്രദ്ധ പുലർത്തണം.