ഇന്ത്യൻ ലുക്കിൽ ഹാരിപോട്ടറും സംഘവും, സബ്യസാചി വസ്ത്രങ്ങൾ അണിയിച്ച് എ ഐ , ചിത്രങ്ങൾ വൈറൽ
ആർട്ടിഫിഷ്യൽ ഇന്റലിജൻസ് നമുക്ക് ചുറ്റുമുള്ള ലോകത്തെ മാറ്റിമറിച്ചു കൊണ്ട് മുന്നേറുകയാണ്. എ.ഐ ടൂളുകൾ ഉപയോഗിച്ച് നിർ‌മ്മിച്ച ചിത്രങ്ങൾ അടുത്തിടെ വൈറലായിരുന്നു. ഗാന്ധിജി ഉൾപ്പെടെയുള്ള ചരിത്ര പുരുഷൻമാരെ പുതിയകാലത്തിന്റെ പശ്‌ചാത്തലത്തിൽ അവതരിപ്പിച്ച ചിത്രങ്ങളും അക്കൂട്ടത്തിൽ ഉണ്ടായിരുന്നു. ഈ ട്രെൻഡിന്റെ തുടർച്ചയായി ഇപ്പോൾ ശ്രദ്ധ നേടിയിരിക്കുന്ന ചിത്രങ്ങളാണ് ഹാരി പോട്ടർ സീരിസിലെ കഥാപാത്രങ്ങളുടെ ഇന്ത്യൻ ലുക്കിലുള്ള ചിത്രങ്ങൾ. പ്രശസ്ത് ഡിജിറ്റൽ ആ‍ർട്ടിസ്റ്റ് മനോജ് ഓംരെ ആണ് ഹോളിവുഡ് ചിത്രമായ ഹാരിപോട്ടർ സിനിമയിലെ കഥാപാത്രങ്ങളെ പ്രശസ്ത ഇന്ത്യൻ ഫാഷൻ ബ്രാൻഡായ സബ്യസാചി വസ്ത്രങ്ങൾ അണിയിച്ച് പുനരാവിഷ്കരിച്ചിരിക്കുന്നത്.
ടെക്സ്റ്റ് നിർദ്ദേശങ്ങളിൽ നിന്ന് ചിത്രങ്ങൾ സൃഷ്ചിക്കുന്ന എ.ഐ പ്രോഗ്രാമായ മിഡ് ജേർണി ഉപയോഗിച്ചാണ് മനോജ് ഓംരെ ചിത്രങ്ങൾ സൃഷ്ടിച്ചത്. ഹെർമിയോൺ ഗ്രെഞ്ചർ, സെവേറസ് സ്‌നേപ്പ്, റൂബസ് ഹാഗ്രിഡ്, സിറിയസ് ബ്ലാക്ക്, വോൾഡ്‌മോർട്ട്, ഡംബിൾഡോർ, ഡോബി തുടങ്ങിയവർ പുതിയ രൂപത്തിൽ എത്തുന്നു. ആർട്ട് സീരീസിൽ, ഡിസൈനർ സബ്യസാചിയുടെ ഡിസൈനുകളോട് സാമ്യമുള്ള ഇന്ത്യൻ വസ്ത്രങ്ങളിലാണ് കഥാപാത്രങ്ങളെത്തുന്നത്. ഇൻസ്റ്റാഗ്രാമിൽ പോസ്റ്റ് ചെയ്ത് ചിത്രത്തിന് ഇതുവരെ 1751 ലൈക്കുകളും നിരവധി കമന്റുകളും ലഭിച്ചിട്ടുണ്ട്..