നടിയും സംഗീതജ്ഞയുമായ ആർ സുബ്ബലക്ഷ്മി അന്തരിച്ചു
Thursday 30 November 2023 10:06 PM IST
തിരുവനന്തപുരം : നടിയും സംഗീതജ്ഞയുമായ ആർ. സുബ്ബലക്ഷ്മി അന്തരിച്ചു. വാർദ്ധക്യ സഹജമായ അസുഖങ്ങളെ തുടർന്ന് തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. 87 വയസായിരുന്നു. മലയാളം, തമിഴ്, തെലുങ്ക്, ഹിന്ദി, സംസ്കൃതം ഭാഷകളിൽ അഭിനയിച്ചിട്ടുണ്ട്. നിരവധി ഹിറ്റ് പരസ്യങ്ങളിലും വേഷമിട്ടു. നടിയും നർത്തകിയുമായ താരാ കല്യാൺ മകളാണ്.
നന്ദനം, കല്യാണരാമൻ, രാപകൽ, തിളക്കം, പാണ്ടിപ്പട തുടങ്ങി നിരവധി ഹിറ്റ് ചിത്രങ്ങളിലെ മുത്തശി വേഷങ്ങളിലൂടെ ശ്രദ്ധേയയാണ്.