കഞ്ചാവുമായി മൂന്ന് യുവാക്കൾ അറസ്റ്റിൽ

ആലപ്പുഴ: ക്രിസ്‌മസ് പുതുവത്സരത്തിന്റെ ഭാഗമായി എക്സൈസ് നടത്തിയ രാത്രികാല പരിശോധനയിൽ ആലപ്പുഴയിൽ കഞ്ചാവുമായി മൂന്ന് യുവാക്കൾ പിടിയിലായി. ആലപ്പുഴ മുനിസിപ്പാലിറ്റി ഗുരുമന്ദിരം വാർഡിൽ കടപ്പുറത്ത് തയ്യിൽ വീട്ടിൽ മാക്മില്ലൻ (ശാരു-24) പഴവീട് കൈതവന സനാതനപുരം പാടൂർ വീട്ടിൽ നിതിൻ ലാൽ (കൊച്ചുമോൻ- 22), കോലോത്ത് വീട്ടിൽ മധു മോഹൻ (ശംഭു-24) എന്നിവരെ എക്സൈസ് റേഞ്ച് ഇൻസ്‌പെക്ടർ എസ് സതീഷിന്റെ നേതൃത്വത്തിൽ അറസ്റ്റു ചെയ്തു. ഇവരിൽ നിന്ന് ഒന്നരകിലോ കഞ്ചാവും കണ്ടെടുത്തു.

നാലാം പ്രതിയായ പഴവീട് കൈതവന കുഴിയിൽചിറ വീട്ടിൽ ഉദീഷിനായി (38) അന്വേഷണം ആരംഭിച്ചു. പ്രതികളെ കോടതി റിമാൻഡിലാണ്. എക്‌സൈസ് പ്രിവന്റ്റ്റീവ് ഓഫീസർമാരായ ഇ.കെ.അനിൽ, ജി.ജയകുമാർ, പ്രിവെന്റീവ് ഓഫീസർ ഗ്രേഡ് മായാജി,​ വനിതാസിവിൽ എക്‌സൈസ് ഓഫീസർ ജീന, സിവിൽ എക്‌സൈസ് ഓഫീസർമാരായ പ്രതീഷ് പി.നായർ, എച്ച്.മുസ്തഫ, അനിൽകുമാർ, കെ.എച്ച്.ഷഫീക്ക്, ജയദേവ് എന്നിവർ പരിശോധനയിൽ പങ്കെടുത്തു.