മാസായി രജനി, ലാൽ സലാം ഗ്ലിംപ്സ് വീഡിയോ

രജനികാന്തിന്റെ മകൾ ഐശ്വര്യ രജനികാന്ത് സംവിധാനം ചെയ്യുന്ന ലാൽ സലാം' എന്ന ചിത്രത്തിന്റെ ഗ്ലിംപ്സ് വീഡിയോ പുറത്ത്. മാസ് രം​ഗങ്ങൾ ഉൾക്കൊള്ളിച്ച് പുറത്തിറങ്ങിയ ടീസറിൽ രജനികാന്ത് നിറഞ്ഞു നിൽക്കുന്നു.
വിഷ്ണു വിശാൽ, വിക്രാന്ത് എന്നിവർ നായകന്മാരായി എത്തുന്ന ചിത്രത്തിൽ 'മൊയ്തീൻ ഭായ്' എന്ന കഥാപാത്രത്തെ രജനികാന്ത് അവതരിപ്പിക്കുന്നത്.അതിഥി വേഷത്തിലാണ് രജനികാന്ത്. പ്രേക്ഷകർ ഇതുവരെ കാണാത്ത രൂപത്തിലും ഭാവത്തിലും രജനികാന്തിനെ അവതരിപ്പിക്കുന്ന ചിത്രത്തിന് എ ആർ റഹ്മാനാണ് സംഗീതം പകരുന്നത്. വിഷ്ണു രംഗസ്വാമിയുടേതാണ് കഥയും സംഭാഷണവും.സെന്തിൽ, ജീവിത, തമ്പി രാമയ്യ, അനന്തിക സനിൽകുമാർ, വിവേക് പ്രസന്ന, തങ്കദുരൈ എന്നിവരാണ് മറ്റ്താരങ്ങൾ.ഛായാഗ്രഹണം: വിഷ്ണു രംഗസാമി,
ലൈക പ്രൊഡക്ഷൻസിന്റെ ബാനറിൽ സുബാസ്കരൻ നിർമ്മിക്കുന്ന ചിത്രം തമിഴ്, തെലുങ്ക്, കന്നഡ, മലയാളം, ഹിന്ദി ഭാഷകളിൽ പൊങ്കൽ ദിനത്തിൽ തിയേറ്ററുകളിലെത്തും. തമിഴ്‌നാട്ടിലെ വിതരണാവകാശം റെഡ് ജയന്റ് സ്റ്റുഡിയോസാണ് സ്വന്തമാക്കിയിരിക്കുന്നത്.പി.ആർ. ഒ ശബരി.