റഷ്യൻ ആക്രമണം: യുക്രെയിനിൽ 11 മരണം

കീവ്: യുക്രെയിനിലെ ഡൊണെസ്കിൽ പോക്രോവ്സ്ക് നഗരത്തിലുണ്ടായ റഷ്യൻ മിസൈലാക്രമണത്തിൽ അഞ്ച് കുട്ടികളടക്കം 11 പേർ കൊല്ലപ്പെട്ടു. പത്ത് പേർക്ക് പരിക്കേറ്റു. റഷ്യയുടെ എസ് - 300 മിസൈലുകളാണ് മേഖലയിൽ പതിച്ചതെന്ന് പ്രാദേശിക ഭരണകൂടം അറിയിച്ചു. അതേസമയം, ശനിയാഴ്ച രാത്രി മുതൽ ഇന്നലെ പുലർച്ചെ വരെ രാജ്യത്തേക്ക് റഷ്യ 28 ഡ്രോണുകളും 3 ക്രൂസ് മിസൈലുകളും വിക്ഷേപിച്ചെന്ന് യുക്രെയിൻ സൈന്യം അറിയിച്ചു. ഇതിൽ 21 ഡ്രോണുകളെ യുക്രെയിന്റെ വ്യോമപ്രതിരോധ സംവിധാനങ്ങൾ തകർത്തു.