ട്രെയിനിന് തീപിടിച്ചെന്ന വാർത്ത കേട്ട് യാത്രക്കാർ പാളത്തിലേക്ക് ചാടി,​ മറ്റൊരു ട്രെയിനിടിച്ച് 2 പേർ മരിച്ചു

റാ​ഞ്ചി​:​ ​ ജാർഖണ്ഡ് കൽജാരിയയ്ക്ക് സമീപം ട്രെയിൻ ഇടിച്ച് 2 പേർക്ക് ദാരുണാന്ത്യം. നിരവധി പേർക്ക് പരിക്കേറ്റു. ജംതാര - കർമതാന്ദിലെ കൽജാരിയയ്ക്ക് സമീപം ഇന്ന് വൈകിട്ടായിരുന്നു സംഭവം. ഭഗൽപൂരിലേക്ക് പോവുകയായിരുന്ന അംഗ എക്പ്രസിൽ തീപിടിച്ചെെന്ന വാർത്ത കേട്ട് പുറത്തേക്ക് ചാടിയവരെ മറ്റൊരു ട്രെയിൻ ഇടിക്കുകയായിരുന്നു.

പരിക്കേറ്റവരിൽ പലരുടെയും നില ഗുരുതരമാണ്. ര​ക്ഷാ​പ്ര​വ​ർ​ത്ത​നം​ ​പു​രോ​ഗ​മി​ക്കു​ക​യാ​ണെ​ന്ന് ​അ​ധി​കൃ​ത​ർ​ ​അ​റി​യി​ച്ചു.​ പ്രദേശത്ത് വെളിച്ചമില്ലാത്തതിനാൽ രക്ഷാപ്രവ‌ർത്തനം തടസപ്പെടുകയാണെന്ന് ഉദ്യോഗസ്ഥർ പറഞ്ഞു. സംഭനത്തിൽ റെയിൽവേ ​അ​ന്വേ​ഷ​ണം​ പ്രഖ്യാപിച്ചു