പ്രണവ് സ്മിജുവിനെ അനുമോദിച്ചു
ഇടുക്കി: തായ്ലൻഡിൽ നടന്ന ജിറ്റ് കരാട്ടെ കുനെ ദോ ലോകകപ്പ് മത്സരത്തിൽ ഇന്ത്യയെ പ്രതിനിധികരിച്ച് വെള്ളി മെഡൽ നേടി പ്രണവ് സ്മിജുവിനെ എസ്. എൻ. ഡി. പി യോഗം ഇടുക്കി യൂണിയൻ സെക്രട്ടറി സുരേഷ് കോട്ടയ്ക്കകത്ത് അനുമോദിച്ചു. മുരിക്കാശ്ശേരി ശാഖായോഗം മുൻ പ്രസിഡന്റ് കെ. എൻ. ദാസ് കല്ലിടുമ്പിന്റെ മകൻ അഡ്വ.സ്മിജുവിന്റെയും ശരണ്യയുടെയും മകനാണ് പ്രണവ്. മുൻപ് രാജ്യാന്തര തലത്തിൽ സ്വർണ്ണ മെഡൽ നേടിയിരുന്നു. യൂണിയൻ - ശാഖാ ഭാരവാഹികൾ വീട്ടിലെത്തിയാണ് അനുമോദനം അറിയിച്ചത്. യൂണിയൻ സെക്രട്ടറിക്കൊപ്പം യൂത്ത് മൂവ്മെന്റ് യൂണിയൻ സെക്രട്ടറി ജോമോൻ കണിയാംകുടിയിൽ, വൈസ് പ്രസിഡന്റ് അഖിൽ സാബു , മുരിക്കാശ്ശേരി ശാഖായോഗം പ്രസിഡന്റ് സാബു പാലോലിൽ, സെക്രട്ടറി മോഹനൻ പ്ലാക്കൽ വൈസ് പ്രസിഡന്റ് സുകുമാരൻ ശരംകുത്തിയിൽ, മാനേജിംഗ് കമ്മിറ്റി അംഗങ്ങളായ രാജേഷ് മല്ലപ്പിള്ളിയിൽ, മോഹൻ ദാസ് വലിയ കരോട്ട് എന്നിവരും ഒപ്പമുണ്ടായിരുന്നു.