നാട്ടിക എസ്.എൻ കോളേജിൽ ഇൻവെസ്റ്റ് ഇൻ വിമൻ സിംപോസിയം

തൃപ്രയാർ: നാട്ടിക ശ്രീനാരായണ കോളേജും സ്ത്രീചേതനയും സംയുക്തമായി ഇൻവെസ്റ്റ് ഇൻ വിമൻ എന്ന വിഷയത്തിൽ സിമ്പോസിയം നടത്തി. സ്ത്രീകളുടെ ഉന്നമനത്തിനുവേണ്ടിയുള്ള പദ്ധതികളിൽ നിക്ഷേപം കുറഞ്ഞുവരുന്ന സാഹചര്യമാണ് കഴിഞ്ഞ മൂന്ന് വർഷമായി കണ്ടുവരുന്നതെന്ന് സിമ്പോസിയം വിലയിരുത്തി. സ്ത്രീചേതന പ്രസിഡന്റ് എ.ആർ. സുപ്രിയ, അഡ്വ. ജിഷ പള്ളിക്കര എന്നിവർ നേതൃത്വം നൽകി. പ്രിൻസിപ്പൽ പ്രൊഫ. എം.പി. സുബിൻ, വിമൻസ് സെൽ കോ-ഓർഡിനേറ്റർ വി. ദീപ, ഡോ. പി.എസ്. ജയ, ഡോ. ബീസ ഭാസ്‌കർ എന്നിവർ സംസാരിച്ചു.