ശ്രീ നാരായണാ ദേശീയ കൺവെൻഷൻ അഞ്ചാമത് സമ്മേളനം; ജൂലായ് 11 മുതൽ 14വരെ

വാഷിംഗ്‌ടൺ: 2014 മുതൽ ഫിലാഡൽഫിയ, ഹ്യൂസ്റ്റൺ, ന്യൂയോർക്ക് , വാഷിംഗ്‌ടൺ എന്നിവിടങ്ങളിൽ വിജയകരമായി നടന്ന ശ്രീ നാരായണാ ദേശീയ കൺവെൻഷന്റെ അഞ്ചാമത്തെ സമ്മേളനത്തിന് ജൂലായ്‌ 11 -14 തീയതികളിൽ ഹിൽട്ടൺ സ്റ്റാംഫോർട് ഹോട്ടൽ, കണക്‌ടിക്കട്ടിൽ വേദിയൊരുങ്ങുകയാണ്. സന്യാസ ശ്രേഷ്ഠന്മാരും ദാർശനിക പ്രതിഭകളും നേതൃത്വം നൽകുന്ന പ്രഭാഷണങ്ങളും ചർച്ചകളും വൈവിധ്യമാർന്ന കലാ സാംസ്കാരിക പരിപാടികളും ഉണ്ടായിരിക്കും.

ബ്രഹ്‌മശ്രീ സച്ചിദാനന്ദ സ്വാമികൾ( പ്രസിഡന്റ്, ശിവഗിരി ധർമ്മ സംഘം) , സ്വാമി മുക്താനന്ദ യതി(Disciple of Nitya Chaithanya Yati, Director - School of Vedanda ), ശ്രീ ഷൗക്കത്ത് സഹജ്യോത്‌സു (Disciple of Nitya Chaithanya Yati , Writer & Orator ) തുടങ്ങിയവർ പങ്കെടുക്കുന്നു.

ഡോ. കലാമണ്ഡലം ധനുഷാ സന്യാൽ നേതൃത്വം നൽകുന്ന ഗുരു കൃതികളുടെ നൃത്താവിഷ്കാരം, സ്റ്റാർ സിംഗർ ഫെയിം വിവേകാനന്ദ് നയിക്കുന്ന സംഗീത നിശ, വിവിധ റീജിയണിലെ കലാപതിഭകളുടെ പരിപാടികൾ തുടങ്ങിയവയും ഈ ഈ കൺവെൻഷന്റെ ഭാഗമാണ്. ഗുരുവിനാൽ സംഘടിപ്പിക്കപ്പെട്ട സർവമത സമ്മേളനത്തിന്റെ നൂറാം വര്ഷം പൂർത്തീകരിക്കുന്ന വേളയിൽ കാലികപ്രസക്തിയുള്ള സമാന ചർച്ചകളും ആശാൻ ചരമ ശതാബ്ദിയോടനുബന്ധിച്ചു മഹാകവിയുടെ കൃതികളുടെ സാഹിത്യാനുഭവം പങ്കുവക്കാനുള്ള അവസരവും ഈ കൺവെൻഷന്റെ പ്രത്യേകതയായിരിക്കും. ശ്രീ നാരായണ ദർശനങ്ങളിൽ ആകൃഷ്ടരായ എല്ലാവരും കൺവെൻഷനിൽ പങ്കെടുത്തു ഈ മഹത്തായ സംരംഭത്തിന്റെ ഭാഗമാകുവാൻ അഭ്യർത്ഥിക്കുന്നു.

വിശദവിവരങ്ങൾക്കും രജിസ്‌ട്രേഷനും
Sajeevkumar Chennattu(President) - (917)979-0177

Renuka Chirakuzhiyil (General Secretary) - (914)434-4843

Rajeev Bhaskar - (516)395-9480