തൃശൂരില്‍ ടിടിഇയെ ഓടുന്ന ട്രെയിനില്‍ നിന്ന് തള്ളിയിട്ട് കൊന്നു, പ്രതി അന്യസംസ്ഥാന തൊഴിലാളി
Tuesday 02 April 2024 9:00 PM IST
തൃശൂര്‍: ഓടുന്ന ട്രെയിനില്‍ നിന്ന് തള്ളിയിട്ട് ടിടിഇയെ കൊലപ്പെടുത്തി. പട്‌ന എക്‌സ്പ്രസിലെ ടിടിഇ വിനോദ് ആണ് കൊല്ലപ്പെട്ടത്. തൃശൂര്‍ വെളപ്പായയില്‍ ആണ് സംഭവം. ടിക്കറ്റ് ചോദിച്ചതുമായി ബന്ധപ്പെട്ട തര്‍ക്കമാണ് കാരണം. പ്രതിയായ അന്യസംസ്ഥാന തൊഴിലാളിയെ റെയില്‍വെ പൊലീസ് പിടികൂടി.
ട്രെയിനിലുണ്ടായിരുന്ന ഒഡീഷ സ്വദേശി രജനീകാന്ത് ആണ് പ്രതി. ഇയാളെ പാലക്കാട് റെയില്‍വേ പൊലീസ് ആണ് പിടികൂടിയത്. പ്രതി സ്ഥിരം മദ്യപാനിയാണെന്നും പൊലീസ് പറയുന്നു.
സംസ്ഥാനത്ത് ട്രെയിനുകള്‍ക്കുള്ളില്‍ നടക്കുന്ന കുറ്റകൃത്യങ്ങളില്‍ അന്യസംസ്ഥാന തൊഴിലാളികള്‍ പ്രതികളാകുന്ന സംഭവം അടുത്തിടെയായി കേരളത്തില്‍ വര്‍ദ്ധിച്ചുവരികയാണ്. മോഷണം ഉള്‍പ്പെടെയുള്ള കുറ്റകൃത്യങ്ങളാണ് കൂടുതലും റിപ്പോര്‍ട്ട് ചെയ്യപ്പെടുന്നത്.