വിവാഹത്തർക്കം; പഞ്ചാബിൽ വരന്റെ മാതാവിനെ അർദ്ധനഗ്നയാക്കി നടത്തിച്ചു
Sunday 07 April 2024 12:35 AM IST
അമൃത്സർ: പഞ്ചാബിലെ തരൺ തരണിയിലെ വൽതോഹ ഗ്രാമത്തിൽ മാതാപിതാക്കളുടെ സമ്മതമില്ലാതെ പെൺകുട്ടിയെ വിവാഹം ചെയ്ത സംഭവത്തിൽ യുവാവിന്റെ അമ്മയെ അർധനഗ്നയാക്കി നടത്തിച്ച് പെൺകുട്ടിയുടെ വീട്ടുകാർ. സംഭവത്തിന്റെ ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചിരുന്നു. സംഭവത്തിൽ പൊലീസ് അഞ്ചുപേർക്കെതിരെ കേസെടുത്തിട്ടുണ്ട്.
55കാരിയുടെ മകൻ കുറച്ച് ദിവസങ്ങൾക്ക് മുമ്പ് പെൺകുട്ടിയെ അവളുടെ വീട്ടുകാരുടെ സമ്മതമില്ലാതെ വിവാഹം ചെയ്തിരുന്നു. ഇതേത്തുടർന്ന് പെൺകുട്ടിയുടെ വീട്ടുകാർ യുവാവിന്റെ വീട്ടിലെത്തിയപ്പോൾ ഈ സ്ത്രീ തനിച്ചായിരുന്നു. പെൺകുട്ടിയുടെ വീട്ടുകാർ ഇവരുടെ വസ്ത്രങ്ങൾ വലിച്ച്കീറുകയും മർദിക്കുകയും അർധനഗ്നയാക്കി ഗ്രാമത്തിലൂടെ പരേഡ് ചെയ്യിപ്പിക്കുകയും ചെയ്തു.
സംഭവത്തിൽ വിവിധ വകുപ്പുകൾ ചുമത്തി അഞ്ചുപേർക്കെതിരെയാണ് പൊലീസ് കേസെടുത്തത്. ആരെയും അറസ്റ്റ് ചെയ്തിട്ടില്ല.