നടപടിയെടുക്കണം : എൻ.ജി.ഒ.യൂണിയൻ
Saturday 11 May 2024 1:28 AM IST
ചേർത്തല: ചേർത്തല സൗത്ത് പഞ്ചായത്ത് ഓഫീസിനുള്ളിൽ കടന്ന് ജീവനക്കാരെ കൈയേറ്റം ചെയ്തയാൾക്കെതിരെ നടപടി സ്വീകരിക്കണമെന്ന് കേരള എൻ.ജി.ഒ.യൂണിയൻ ജില്ലാ കമ്മിറ്റി ആവശ്യപ്പെട്ടു. ചേർത്തല സൗത്ത് പഞ്ചായത്ത് പത്താം വാർഡിൽ താമസിക്കുന്ന ജേക്കബ് എന്നയാൾ ഓഫീസിലെത്തി നികുതി കുടിശിക സംബന്ധിച്ച് ജീവനക്കാരുമായി ബഹളമുണ്ടാക്കുകയും വനിതകളുൾപ്പെടെയുള്ള ജീവനക്കാരെ കൈയ്യേറ്റം ചെയ്യുകയും ,എൻ.ജി.ഒ.യൂണിയൻ ജില്ലാ കൗൺസിൽ അംഗം ആർ.ജോജിയ്ക്ക് പരിക്കേൽക്കുകയും ചെയ്തു. ജോജി ചേർത്തല താലൂക്കാശുപത്രിയിൽ ചികിത്സ തേടി. ഇന്ന് രാവിലെ പഞ്ചായത്ത് ഓഫീസിനു മുന്നിൽ പ്രതിക്ഷേധ പ്രകടനം നടത്തുമെന്ന് എൻ.ജി.ഒ.യൂണിയൻ ജില്ലാ സെക്രട്ടറി സി.സിലീഷ് അറിയിച്ചു.