അങ്കണവാടി വാർഷികാഘോഷം നടത്തി
ഇടവെട്ടി :ഗ്രാമപഞ്ചായത്ത് മാർത്തോമ വാർഡിലെ 76-ാം നമ്പർ അങ്കണവാടി വാർഷികാഘോഷ പരിപാടികൾ മാർത്തോമ മദ്രസ ഹാളിൽ നടന്നു. ആക്ഷൻ സോങ് , കഥപറച്ചിൽ, ഫാൻസി ഡ്രസ് ഡാൻസ് പാട്ട്, പ്രസംഗം, ഗ്രൂപ്പ് സോങ്ങ് തുടങ്ങിയ പരിപാടികൾ നടത്തി. ഇടവെട്ടി ഗ്രാമ പഞ്ചായത്ത് വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഷീജ നൗഷാദ് , ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ അസീസ് ഇല്ലിക്കൽ,എ. എൽ. എം. സി കമ്മിറ്റിയംഗങ്ങളായ അബ്ബാസ് വടക്കേൽ , ഷാജഹാൻ കെ. എ, സൽമിനി,വിജയൻ തടത്തിൽ ,അസീസ് പുത്തനറയിൽ, ഹലീമ മലയിൽ, ഫാത്തിമഷിബിലി,തുടങ്ങിയവർ പങ്കെടുത്തു.കുട്ടികൾക്ക് സമ്മാനവും മധുരപലഹാരങ്ങളും നൽകി.അങ്കണവാടി ടീച്ചർ സോയ എബ്രഹാം സ്വാഗതവും ഹെൽപ്പർ ഗംഗ നന്ദിയും പറഞ്ഞു.