ചാഴികാടന്റെ തോൽവി ആഘോഷിച്ച് സ്വന്തം പാർട്ടിക്കാർ , പിറവത്ത് 2000 പേർക്ക് പാേത്തും പിടിയും സദ്യ
Wednesday 05 June 2024 1:15 AM IST
പിറവം: കോട്ടയത്തെ എൽ.ഡി.എഫ് സ്ഥാനാർത്ഥി കേരള കോൺഗ്രസ് എമ്മിലെ തോമസ് ചാഴികാടന്റെ തോൽവി ആഘോഷിച്ച് സ്വന്തം പാർട്ടി നേതാവിന് കീഴിലെ ജനകീയ സമിതി.
പിറവം നഗരസഭ സ്റ്റാൻഡിംഗ് കമ്മിറ്റി ചെയർമാനായ യുവനേതാവ് ജിൽസ് പെരിയപ്പുറത്തിന്റെ നേതൃത്വത്തിലാണ് ചാഴികാടന്റെ പരാജയം ആഘോഷിച്ചത്. ഇതിന്റെ ഭാഗമായി പിറവത്ത് 2000 പേർക്ക് പോത്തുകറിയും പിടിയും വിതരണം ചെയ്തു.പിറവം പ്രൈവറ്റ് ബസ് സ്റ്റാൻഡിന് എതിർവശത്ത് ഒരുക്കിയ പന്തലിൽ ഇന്നലെ രാവിലെ 9 മുതലായിരുന്നു സത്കാരം. ഇതിനായി മൂന്നു ലക്ഷത്തോളം രൂപ സ്വരൂപിച്ചിരുന്നു. ചാഴികാടൻ നാടിനായി ഒന്നും ചെയ്തില്ലെന്നാരോപിച്ച് പ്രഖ്യാപിച്ച വിരുന്ന് സമൂഹമാദ്ധ്യമങ്ങളിലും ശ്രദ്ധനേടിയിരുന്നു.