അവസരം കാത്ത്, തത്‌കാലം പിൻവാങ്ങി 'ഇന്ത്യ' മുന്നണി

ന്യൂഡൽഹി: തെലുങ്കു ദേശവും ജെ.ഡി.യുവും മോദിക്ക് പിന്തുണ വാഗ്‌ദാനം ചെയ്‌ത സാഹചര്യത്തിൽ സർക്കാർ രൂപീകരണ ശ്രമങ്ങളിൽ നിന്ന് തത്‌ക്കാലം പിൻവാങ്ങി 'ഇന്ത്യ' മുന്നണി. ഇന്നലെ ചേർന്ന മുന്നണി യോഗത്തിലാണ് തീരുമാനം. അനുയോജ്യമായ സമയത്ത് അവസരം വിനിയോഗിക്കാനും ധാരണയായി.

ബി.ജെ.പി ഭരണം വേണ്ടെന്ന ജനങ്ങളുടെ ആഗ്രഹം സാക്ഷാത്കരിക്കാൻ ഉചിതമായ സമയത്ത് ഉചിതമായ നടപടികൾ കൈക്കൊള്ളുമെന്ന് യോഗത്തിന് ശേഷം കോൺഗ്രസ് അദ്ധ്യക്ഷൻ മല്ലികാർജ്ജുന ഖാർഗെ പറഞ്ഞു. മോദിയുടെ ഫാസിസ്റ്റ് ഭരണത്തിനെതിരെ ഇന്ത്യാ മുന്നണി പോരാട്ടം തുടരും. ജനങ്ങൾക്ക് നൽകിയ വാഗ്ദാനങ്ങൾ

പാലിക്കും. വിലക്കയറ്റം, തൊഴിലില്ലായ്‌മ, ചങ്ങാത്ത മുതലാളിത്തം എന്നിവയെ എതിർക്കാനും ജനാധിപത്യത്തെയും ഭരണഘടനയെയും സംരക്ഷിക്കാനുമുള്ള നിയോഗമാണിത്. ബി.ജെ.പിയുടെ വിദ്വേഷത്തിന്റെയും അഴിമതിയുടെയും രാഷ്ട്രീയത്തിന് തക്ക മറുപടിയാണ് ജനവിധി. സഖ്യത്തിന് നൽകിയ വൻ പിന്തുണയ്‌ക്ക് 'ഇന്ത്യ' കക്ഷികൾ ജനങ്ങൾക്ക് നന്ദി പറയുന്നു.

ബുധനാഴ്‌ച ഫലം പ്രഖ്യാപിച്ചപ്പോൾ ബി.ജെ.പി ഒറ്റയ്‌ക്ക് ഭൂരിപക്ഷം ഇല്ലാതെ വിയർത്തപ്പോൾ മുതൽ 'ഇന്ത്യ' മുന്നണി സർക്കാർ രൂപീകരണത്തിന് ശ്രമിച്ചിരുന്നു. എൻ.ഡി.എയുടെ ഭാഗമായ ടി.ഡി.പിയുടെ ചന്ദ്രബാബു നായിഡുവിനെയും ജെ.ഡി.യുവിന്റെ നിതീഷിനെയും ബന്ധപ്പെട്ടെങ്കിലും ഇരുവരും മനസു തുറന്നില്ലെന്നാണ് അറിയുന്നത്. നിതീഷ് 'ഇന്ത്യ'യിലേക്ക് തിരികെ വരുമെന്ന് അഭ്യൂഹങ്ങൾ ജെ.ഡി.യു തള്ളി.

തുടർന്നാണ് ഇന്നലെ യോഗം ചേരാൻ തീരുമാനിച്ചത്. ഖാർഗെയുടെ രാജാജി മാർഗിലെ വസതിയിൽ വൈകിട്ട് ആറിനായിരുന്നു യോഗം. നാലുമണിക്ക് പ്രധാനമന്ത്രി മോദിയുടെ വസതിയിലെ എൻ.ഡി.എ യോഗത്തിന്റെ തീരുമാനം വന്ന ശേഷം ചേരുകയായിരുന്നു ലക്ഷ്യം.

ഖാർഗെ അദ്ധ്യക്ഷത വഹിച്ച യോഗത്തിൽ സർക്കാർ രൂപീകരണ ശ്രമങ്ങൾ തുടരണമെന്ന് ചില നേതാക്കൾ നിർദ്ദേശിച്ചു. നിലവിലെ സാഹചര്യത്തിൽ അത് പ്രായോഗികമല്ലാത്തതിനാൽ ക്ഷമയോടെ അവസരം കാത്തിരിക്കാൻ ധാരണയായി. സോണിയാ ഗാന്ധി, രാഹുൽ ഗാന്ധി, പ്രിയങ്കാ ഗാന്ധി, കെ.സി. വേണുഗോപാൽ (കോൺഗ്രസ്), എം.കെ. സ്റ്റാലിൻ (ഡി.എം.കെ), അഖിലേഷ് യാദവ് (എസ്.പി), അഭിഷേക് ബാനർജി (തൃണമൂൽ), തേജസ്വി യാദവ് (ആർ.ജെ.ഡി), സീതാറാം യെച്ചൂരി (സി.പി.എം), ഡി.രാജ (സി.പി.ഐ), ശരദ് പവാർ,സുപ്രിയ സുലേ (എൻ.സി.പി), ഒമർ അബ്‌‌ദുള്ള (നാഷണൽ കോൺഫറൻസ്), എൻ.കെ.പ്രേമചന്ദ്രൻ (ആർ.എസ്.പി), ജി. ദേവരാജൻ (ഫോർവേഡ് ബ്ളോക്ക്), കൽപന സോറൻ, ചമ്പൈ സോറൻ (ജെ.എം.എം), ദീപാങ്കർ ഭട്ടാചാര്യ(സി.പി.ഐ-എം.എൽ) തുടങ്ങിയവർ പങ്കെടുത്തു.

ഉദ്ധവ് വിട്ടു നിന്നു

ഇന്ത്യ മുന്നണിയുടെ ഭാഗമായ ഉദ്ധവ് താക്കറെ യോഗത്തിൽ നിന്ന് വിട്ടുനിന്നത് അഭ്യൂഹങ്ങൾക്കിടയാക്കി. തനിക്ക് പകരം സീനിയർ നേതാവ് സഞ്ജയ് റൗത്തിനെയാണ് അദ്ദേഹം യോഗത്തിന് നിയോഗിച്ചത്. മഹാവികാസ് അഘാഡി സഖ്യധാരണയ്ക്ക് വിരുദ്ധമായി സാംഗ്ലി ലോക്സഭാ സീറ്റിൽ സ്വതന്ത്രനായി ജയിച്ച കോൺഗ്രസ് വിമതൻ വിശാൽ പാട്ടീലിനെ കോൺഗ്രസ് പിന്തുണച്ചതിൽ ഉദ്ധവിന് അതൃപ്തിയുണ്ട്. മമത ബാനർജി ഉൾപ്പെടെയുള്ള ഇന്ത്യ മന്നണി നേതാക്കളുമായി അദ്ദേഹം സർക്കാർ രൂപീകരണം സംബന്ധിച്ച് ആശയവിനിമയം നടത്തിയതായി റിപ്പോർട്ടുണ്ട്.

 ഡ​ൽ​ഹി​യി​ൽ​ ​നേ​താ​ക്ക​ളു​ടെ​ ​പട

ലോ​ക്‌​സ​ഭാ​ ​ഫ​ല​പ്ര​ഖ്യാ​പ​ന​ത്തി​ന് ​പി​ന്നാ​ലെ​ ​എ​ൻ.​ഡി.​എ​യി​ലെ​യും​ ​'​ഇ​ന്ത്യ​'​ ​കൂ​ട്ടാ​യ്‌​മ​യി​ലെ​യും​ ​പ്ര​മു​ഖ​ ​നേ​താ​ക്കൾരാ​ജ്യ​ത​ല​സ്ഥാ​ന​ത്ത് ​പാ​ഞ്ഞെ​ത്തി.​ ​ഇ​രു​ ​മു​ന്ന​ണി​ക​ളു​ടെ​യും​ ​നി​ർ​ണാ​യ​ക​ ​യോ​ഗം​ ​ഇ​ന്ന​ലെ​ ​ഡ​ൽ​ഹി​യി​ൽ​ ​തീ​രു​മാ​നി​ച്ച​ ​സാ​ഹ​ച​ര്യ​ത്തി​ലാ​ണ് ​മ​റ്റു​ ​സം​സ്ഥാ​ന​ങ്ങ​ളി​ൽ​നി​ന്നു​ള്ള​വ​ർ​ ​അ​ട​ക്കം​ ​എ​ല്ലാ​ ​നേ​താ​ക്ക​ളും​ ​ഒ​രേ​സ​മ​യം ഡ​ൽ​ഹി​യി​ൽ​ ​ഉ​ണ്ടാ​വാ​ൻ​ ​ഇ​ട​യാ​ക്കി​യ​ത്.
ബി.​ജെ.​പി​ക്ക് ​ഒ​റ്റ​യ്‌​ക്ക് ​കേ​വ​ല​ ​ഭൂ​രി​പ​ക്ഷ​മി​ല്ലാ​ത്ത​ ​സാ​ഹ​ച​ര്യ​ത്തി​ൽ​ ​ഇ​ന്ന​ലെ​ ​നാ​ലു​മ​ണി​ക്ക് ​പ്ര​ധാ​ന​മ​ന്ത്രി​ ​ന​രേ​ന്ദ്ര​മോ​ദി​യു​ടെ​ ​വ​സ​തി​യി​ലെ​ ​എ​ൻ.​ഡി.​എ​ ​യോ​ഗം​ ​നി​ർ​ണാ​യ​ക​മാ​യി​രു​ന്നു.​ ​ആ​റു​മ​ണി​ക്കാ​ണ് ​കോ​ൺ​ഗ്ര​സ് ​അ​ദ്ധ്യ​ക്ഷ​ൻ​ ​മ​ല്ലി​കാ​ർ​ജ്ജു​ന​ ​ഖാ​ർ​ഗെ​യു​ടെ​ ​വ​സ​തി​യി​ൽ​ ​'​ഇ​ന്ത്യ​'​ ​മു​ന്ന​ണി​ ​യോ​ഗം​ ​ചേ​ർ​ന്ന​ത്.​ ​എ​ൻ.​ഡി.​എ​ ​യോ​ഗ​ത്തി​ന് ​ടി.​ഡി.​പി​ ​നേ​താ​വ് ​ച​ന്ദ്ര​ബാ​ബു​ ​നാ​യി​ഡു​വും​ ​ബി​ഹാ​ർ​ ​മു​ഖ്യ​മ​ന്ത്രി​യും​ ​ജെ.​ഡി.​യു​ ​നേ​താ​വു​മാ​യ​ ​നി​തീ​ഷ് ​കു​മാ​റും​ ​വ​രു​മോ​യെ​ന്ന​താ​യി​രു​ന്നു​ ​രാ​വി​ലെ​ ​മു​ത​ലു​ള്ള​ ​ആ​കാം​ക്ഷ.​ ​ഇ​രു​വ​രും​ ​പ​ങ്കെ​ടു​ക്കു​മെ​ന്ന് ​അ​റി​യി​ച്ച​തോ​ടെ​ ​സ​സ്‌​പെ​ൻ​സ് ​അ​വ​സാ​നി​ച്ചു.​ ​നി​തി​ഷും​ ​'​ഇ​ന്ത്യ​'​ ​യോ​ഗ​ത്തി​ന് ​വ​ന്ന​ ​ആ​ർ.​ജെ.​ഡി​ ​നേ​താ​വ് ​തേ​ജ​സ്വി​ ​യാ​ദ​വും​ ​പ​ട്ന​യി​ൽ​ ​നി​ന്ന് ​ഒ​രു​ ​വി​മാ​ന​ത്തി​ലാ​ണ് ​വ​ന്ന​ത്.​ ​ഇ​രു​വ​രും​ ​ര​ഹ​സ്യ​ ​ച​ർ​ച്ച​ ​ന​ട​ത്തി​യെ​ന്ന് ​അ​ഭ്യൂ​ഹ​ങ്ങ​ളും​ ​പ​ര​ന്നു.
ജെ.​ഡി.​എ​സ് ​നേ​താ​വ് ​എ​ച്ച്.​ഡി.​കു​മാ​ര​സ്വാ​മി,​ ​ജ​ന​സേ​ന​ ​നേ​താ​വ് ​പ​വ​ൻ​ ​ക​ല്യാ​ൺ,​ ​എ​ൻ.​സി.​പി​ ​നേ​താ​വ് ​പ്ര​ഫു​ൽ​പ​ട്ടേ​ൽ,​ ​അ​പ്‌​നാ​ദ​ൾ​ ​നേ​താ​വ് ​അ​നു​പ്രി​യ​ ​പ​ട്ടേ​ൽ,​ ​എ​ച്ച്.​എ.​എം​ ​നേ​താ​വ് ​ജി​ത​ൻ​ ​മാ​ഞ്ചി,​ ​എ​ൽ.​ജെ.​പി​ ​നേ​താ​വ് ​ചി​രാ​ഗ് ​പാ​സ്വാ​ൻ​ ​തു​ട​ങ്ങി​യ​വ​ർ​ ​എ​ൻ.​ഡി.​എ​ ​യോ​ഗ​ത്തി​നെ​ത്തി.
ഇ​ന്ത്യ​ ​യോ​ഗ​ത്തി​ൽ​ ​തേ​ജ​സ്വി​ക്കു​ ​പു​റ​മെ​ ​അ​ഖി​ലേ​ഷ് ​യാ​ദ​വ്(​എ​സ്.​പി​),​ ​എം.​കെ.​ ​സ്റ്റാ​ലി​ൻ​ ​(​ഡി.​എം.​കെ​),​ ​ശ​ര​ദ് ​പ​വാ​ർ,​സു​പ്രി​യ​ ​സു​ലേ​ ​(​എ​ൻ.​സി.​പി​),​ ​ഒ​മ​ർ​ ​അ​ബ്‌​‌​ദു​ള്ള​ ​(​നാ​ഷ​ണ​ൽ​ ​കോ​ൺ​ഫ​റ​ൻ​സ്),​ ​എ​ൻ.​കെ.​പ്രേ​മ​ച​ന്ദ്ര​ൻ​ ​(​ആ​ർ.​എ​സ്.​പി​),​ ​ജി.​ ​ദേ​വ​രാ​ജ​ൻ​ ​(​ഫോ​ർ​വേ​ഡ് ​ബ്ളോ​ക്ക്),​ ​സ​ഞ്ജ​യ് ​റൗ​ത് ​(​ശി​വ​സേ​ന​-​ഉ​ദ്ധ​വ്),​ ​ക​ൽ​പ​ന​ ​സോ​റ​ൻ​ ​(​ജെ.​എം.​എം​),​ ​ദീ​പാ​ങ്ക​ർ​ ​ഭ​ട്ട​ചാ​ര്യ​(​സി.​പി.​ഐ​-​എം.​എ​ൽ​)​ ​തു​ട​ങ്ങി​യ​വ​രാ​ണ് ​ഡ​ൽ​ഹി​ക്കു​ ​പു​റ​ത്തു​നി​ന്നെ​ത്തി​യ​ത്.