വടിവാൾ വീശി​ ഭീഷണി: പ്രതിക്കായി അന്വേഷണം

അമ്പലപ്പുഴ: യുവാക്കളെ വടിവാൾ കാണിച്ച് ഭീഷണിപ്പെടുത്തിയ പ്രതിക്കായി പൊലീസ് തെരച്ചിൽ ആരംഭിച്ചു. ദേശീയ പാതയിൽ കുറവൻ തോട് മുസ്ലിം പള്ളിക്ക് വടക്ക് ഭാഗത്ത് ഇന്നലെ വൈകിട്ട് 6 ഓടെ ആയിരുന്നു സംഭവം. പുന്നപ്ര സ്വദേശിയും, പല ക്രിമനൽ കേസ്സിലെ പ്രതിയുമായ മുജ എന്നയാളാണ് വടിവാൾ കാണിച്ച് യുവാക്കളെ ഭീഷണിപ്പെടുത്തിയത്. പുന്നപ്ര സ്വദേശികളായ 2 യുവാക്കളും, മുജയുമായി വാക്കുതർക്കം ഉണ്ടാകുകയും , യുവാക്കൾക്ക് നേരെ ഇയാൾ വടിവാൾ വീശുകയുമായിരുന്നു. ബഹളം കേട്ട് പ്രദേശത്ത് നിന്നവർ ഓടിയെത്തിയപ്പോൾ ഓടിരക്ഷപ്പെട്ടു.വിവരം അറിഞ്ഞ് പുന്നപ്ര പ്രിൻസിപ്പൽ എസ്. ഐ ആനന്ദ്, എസ്. ഐ സിദ്ധി​ഖ് എന്നിവരുടെ നേത്യത്വത്തിൽ പൊലീസ് സംഘം സ്ഥലത്ത് എത്തിയെങ്കിലും മുജയെ കണ്ടെത്താനായില്ല.