തൃശൂർ ഡി.സി.സി കൈയാങ്കളി: പ്രസിഡന്റിനെ മാറ്റിയേക്കും

തൃശൂർ: ഡി.സി.സി ഓഫീസിലെ കൈയാങ്കളിയുമായി ബന്ധപ്പെട്ട് ഡി.സി.സി പ്രസിഡന്റ് ജോസ് വള്ളൂരിനെ മാറ്റാൻ സാദ്ധ്യത. ഡി.സി.സിയുടെ ചുമതല ബെന്നി ബഹനാൻ എം.പിക്ക് നൽകുമെന്നാണ് വിവരം. ജോസ് വള്ളൂർ ഉപയോഗിച്ചിരുന്ന ഡി.സി.സിയുടെ ഔദ്യോഗിക വാഹനം ഇന്നലെ ഓഫീസിലെത്തിച്ച് താക്കോൽ ഓഫീസ് സെക്രട്ടറിക്ക് കൈമാറിയതായി സൂചനയുണ്ട്. പ്രശ്‌നം പരിഹരിക്കാൻ ബെന്നി ബഹനാന്റെ നേതൃത്വത്തിൽ ചർച്ച നടന്നേക്കും. അതേസമയം ഇതുസംബന്ധിച്ച് വിവരം ലഭിച്ചിട്ടില്ലെന്ന് കെ.മുരളീധരൻ വിഭാഗം പറയുന്നു.

ഡി.സി.സി സെക്രട്ടറി സജീവൻ കുരിയച്ചിറയെ പ്രസിഡന്റ് ജോസ് വള്ളൂരും അനുകൂലികളും ചേർന്ന് മർദ്ദിച്ചുവെന്ന പരാതിയിൽ ജോസ് വള്ളൂർ അടക്കം ഇരുപതോളം പേർക്കെതിരെ പൊലീസ് കേസെടുത്തു. അന്യായമായി സംഘം ചേർന്ന് തടഞ്ഞുവച്ച് മർദ്ദിച്ചുവെന്നാണ് സജീവന്റെ പരാതി. ജാമ്യം കിട്ടാവുന്ന വകുപ്പുകളാണ് ചുമത്തിയത്.
സംഘടനാ ചുമതലയുള്ള ജനറൽ സെക്രട്ടറി കെ.സി.വേണുഗോപാൽ, കെ.പി.സി.സി പ്രസിഡന്റ് കെ.സുധാകരനോട് കൈയാങ്കളിയെപ്പറ്റി അന്വേഷിച്ച് റിപ്പോർട്ടു നൽകാൻ ആവശ്യപ്പെട്ടിട്ടുണ്ട്. വെള്ളിയാഴ്ച വൈകിട്ടാണ് മുരളീധരൻ പക്ഷവും ഡി.സി.സി പ്രസിഡന്റ് ജോസ് വള്ളൂർ പക്ഷവും തമ്മിൽ കൈയാങ്കളിയുണ്ടായത്. ലോക്‌സഭ തിരഞ്ഞെടുപ്പിൽ കെ.മുരളീധരൻ തൃശൂരിൽ മൂന്നാം സ്ഥാനത്തായതിനെ ചൊല്ലി വിമർശനവും പോസ്റ്റർ പ്രചാരണവുമുണ്ടായിരുന്നു. ഇതേച്ചൊല്ലിയാണ് കൈയാങ്കളിയുണ്ടായത്. മർദ്ദനമേറ്റ സജീവൻ കുരിയച്ചിറ തൃശൂർ കോ ഓപ്പറേറ്റീവ് ആശുപത്രിയിൽ ചികിത്സയിലാണ്. സജീവൻ മർദ്ദിച്ചെന്ന് ആരോപിച്ച് വള്ളൂർ വിഭാഗത്തിലെ രണ്ടു പേരും ചികിത്സ തേടിയിട്ടുണ്ട്.

നാ​ലാം​ ​ദി​ന​വും​ ​പോ​സ്റ്റർ

​കെ.​മു​ര​ളീ​ധ​ര​ന്റെ​ ​തോ​ൽ​വി​യെ​ ​തു​ട​ർ​ന്ന് ​ഡി.​സി.​സി​ ​ഓ​ഫീ​സി​ലെ​ ​കൂ​ട്ട​യ​ടി​ക്കു​ ​പി​ന്നാ​ലെ​ ​തൃ​ശൂ​രി​ൽ​ ​ഇ​ന്ന​ലെ​യും​ ​കോ​ൺ​ഗ്ര​സ് ​നേ​തൃ​ത്വ​ത്തി​നെ​തി​രെ​ ​പോ​സ്റ്റ​ർ.​ ​തു​ട​ർ​ച്ച​യാ​യി​ ​നാ​ലാം​ ​ദി​വ​സ​മാ​ണ് ​പോ​സ്റ്റ​റൊ​ട്ടി​ച്ച് ​പ്ര​തി​ഷേ​ധം.​ ​എം.​പി.​വി​ൻ​സെ​ന്റ്,​ ​അ​നി​ൽ​ ​അ​ക്ക​രെ​ ​എ​ന്നി​വ​ർ​ക്കെ​തി​രെ​ ​തൃ​ശൂ​ർ​ ​പ്ര​സ് ​ക്ല​ബി​നു​ ​മു​ന്നി​ലാ​ണ് ​പോ​സ്റ്റ​ർ.​ ​എം.​പി.​വി​ൻ​സെ​ന്റ് ​യു.​ഡി.​എ​ഫ് ​ചെ​യ​ർ​മാ​ൻ​ ​സ്ഥാ​നം​ ​രാ​ജി​വ​യ്ക്കു​ക,​ ​അ​നി​ൽ​ ​അ​ക്ക​രെ​യെ​ ​വി​ളി​ക്കൂ,​ ​കോ​ൺ​ഗ്ര​സി​നെ​ ​ഒ​റ്റി​ക്കൊ​ടു​ക്കൂ​ ​എ​ന്നി​ങ്ങ​നെ​യാ​ണ് ​എ​ഴു​തി​യി​ട്ടു​ള്ള​ത്.​ ​വെ​ള്ളി​യാ​ഴ്ച​ ​വൈ​കി​ട്ടാ​ണ് ​ഡി.​സി.​സി​ ​ഓ​ഫീ​സി​ൽ​ ​പോ​സ്റ്റ​റി​നെ​ ​ചൊ​ല്ലി​യു​ള്ള​ ​ത​ർ​ക്കം​ ​സം​ഘ​ർ​ഷ​ത്തി​ലെ​ത്തി​യ​ത്.

ജോ​സ് ​വ​ള്ളൂ​ർ​ ​ഡ​ൽ​ഹി​യി​ൽ;
രാ​ജി​ക്ക് ​സാ​ദ്ധ്യത

തൃ​ശൂ​ർ​ ​ഡി.​സി.​സി​യി​ലു​ണ്ടാ​യ​ ​കൂ​ട്ട​ത്ത​ല്ലി​ന്റെ​ ​സി.​സി.​ടി.​വി​ ​ദൃ​ശ്യ​ങ്ങ​ളു​മാ​യി​ ​ഡി.​സി.​സി​ ​പ്ര​സി​ഡ​ന്റ് ​ജോ​സ് ​വ​ള്ളൂ​ർ​ ​ഡ​ൽ​ഹി​യി​ലെ​ത്തി​യ​താ​യി​ ​വി​വ​രം.​ ​കെ.​പി.​സി.​സി​ ​പ്ര​സി​ഡ​ന്റ് ​അ​ട​ക്ക​മു​ള്ള​വ​ർ​ ​ഡ​ൽ​ഹി​യി​ലാ​ണ്.​ ​അ​വ​രെ​ക്ക​ണ്ട് ​സ​ത്യാ​വ​സ്ഥ​ ​ബോ​ദ്ധ്യ​പ്പെ​ടു​ത്തു​ക​യാ​ണ് ​ല​ക്ഷ്യം.​ ​അ​തേ​സ​മ​യം​ ​ജോ​സ് ​വ​ള്ളൂ​ർ​ ​രാ​ജി​ക്ക​ത്ത് ​അ​യ​ച്ചു​കൊ​ടു​ത്തി​ട്ടു​ണ്ടെ​ന്നും​ ​അ​ഭ്യൂ​ഹ​മു​ണ്ട്.​ ​