രക്തദാനവുമായി​ അദ്ധ്യാപകൻ

ഇന്ന് ലോക രക്തദാന ദിനം

ചേർത്തല: കഴിഞ്ഞ കാൽനൂ​റ്റാണ്ടായി രക്തദാനരംഗത്ത് പ്രവർത്തിക്കുന്ന അദ്ധ്യാപകനായ ടി.പി.ജോസഫ് ഇതിനോടകം രക്തം നൽകിയത് 27 പേർക്ക് . രക്തം ആവശ്യമായി വരുന്നവർക്ക് തന്റെ സ്വന്തം വാഹനത്തിൽ എവിടെയും പോയി രക്തം കൊടുക്കുവാൻ ഒ പോസിറ്റീവ് ഗ്രൂപ്പുകാരനായ ജോസഫി​ന് മടിയില്ല. സി.എം.സി 28ാം വാർഡിൽ തിരുവാതുക്കൾ കുടുംബാഗമായ ജോസഫ് ചേർത്തല ഹോളി ഫാമിലി ഹയർ സെക്കൻഡറി സ്‌കൂൾ അദ്ധ്യാപകനാണ്.
ഭാര്യ സോയമോൾ അർത്തുങ്കൽ സെന്റ് ഫ്രാൻസിസ് അസീസി സ്‌കൂളിൽ അദ്ധ്യാപികയാണ്. സേവന താൽപ്പരനായ ജോസഫ് യുവർ കോളേജ് സോഷ്യൽ സർവീസ് വിംഗിന്റെ ഭാഗമായി പ്രവർത്തിക്കുന്നു.