' ബേബി കം ഡൗൺ' അമല പോൾ
Saturday 15 June 2024 12:24 AM IST
നിറവയറുമായി നൃത്തം ചെയ്യുന്ന അമല പോളിന്റെ വീഡിയോ സമൂഹമാദ്ധ്യമത്തിൽ ശ്രദ്ധനേടുന്നു. ടൈം ടു സിംഗ് ബേബി കം ഡൗൺ കം ഡൗൺ എന്നകുറിപ്പോടെയാണ് അമല പോൾ വീഡിയോ പങ്കുവച്ചത്. ഇതിനൊപ്പം പാട്ടുമുണ്ട്.നിരവധിആളുകളാണ് വീഡിയോയ്ക്ക് കമന്റുമായി എത്തുന്നത്. കഴിഞ്ഞ നവംബറിലായിരുന്നു അമലയുടെയും ജഗദ് ദേശായിയുടെയും വിവാഹം. ജനുവരിയിലാണ് താൻ ഗർഭിണിയാണെന്ന വിവരം അമല സമൂഹമാദ്ധ്യമത്തിലൂടെ അറിയിച്ചത്.അമ്മയാകുന്നതിന്റെ വിശേഷങ്ങൾ അമല ആരാധകരുമായി പങ്കുവയ്ക്കാറുണ്ട്. അമലയും ജഗദും ആദ്യകൺമണിയെ വരവേൽക്കാനുള്ള ഒരുക്കത്തിലാണ്. അതേസമയം ആടുജീവിതം ആണ് അമല പോൾ നായികയായി ഒടുവിൽ റിലീസ് ചെയ്ത ചിത്രം. പൃഥ്വിരാജിന്റെ നായികയായി സൈനു എന്ന കഥാപാത്രത്തെയാണ് അവതരിപ്പിച്ചത്.