ബോധവത്കരണ ദിനാചരണം

കോട്ടയം : മുതിർന്ന പൗരന്മാരുടെ സംരക്ഷണം സമൂഹത്തിന്റെ കർത്തവ്യമാണെന്ന സന്ദേശം ഉയർത്തി സാമൂഹിക നീതി വകുപ്പ് വയോജനങ്ങൾക്കെതിരേയുള്ള അധിക്ഷേപ വിരുദ്ധ ബോധവത്കരണ ദിനം ആചരിച്ചു. ജില്ലാ തല ഉദ്ഘാടനം സി.എം.എസ്. കോളജ് ക്യാമ്പസിൽ ജില്ലാ പഞ്ചായത്ത് പ്രസിഡന്റ് കെ.വി.ബിന്ദു നിർവഹിച്ചു. നഗരസഭാദ്ധ്യക്ഷ ബിൻസി സെബാസ്റ്റ്യൻ അദ്ധ്യക്ഷത വഹിച്ചു. പാലാ ആർ.ഡി.ഒയും മെയിന്റനൻസ് ട്രിബ്യൂണൽ പ്രിസൈഡിംഗ് ഓഫീസറുമായ കെ.പി. ദീപ പ്രതിജ്ഞ ചൊല്ലിക്കൊടുത്തു. വാഹനപ്രചാരണ ജാഥയുടെ ഫ്ലാഗ് ഒഫ് സംസ്ഥാന വയോജന കൺസിൽ അംഗം തോമസ് പോത്തൻ നിർവഹിച്ചു. ഡോ. അഞ്ജു ശോശൻ ജോർജ്, സോണി ജോസഫ്, ജോജി ജോസഫ്, പി. പ്രദീപ്, എൻ.പി. പ്രമോദ്കുമാർ എന്നിവർ പ്രസംഗിച്ചു.