വയനാടിനെ കുടുംബസ്വത്താക്കാൻ ശ്രമം: വി. മുരളീധരൻ

തിരുവനന്തപുരം: നെഹ്‌റു കുടുംബം വയനാടും കുടുംബസ്വത്താക്കാൻ ശ്രമിക്കുകയാണെന്ന് ബി.ജെ.പി നേതാവ് വി. മുരളീധരൻ ആരോപിച്ചു.
കേരളത്തിൽ കോൺഗ്രസ് നേതാക്കളില്ലാഞ്ഞിട്ടാണോ പ്രിയങ്കയെ ഇറക്കുന്നത്? വയനാടിനെ അമേഠിയും റായ്ബറേലിയെയും പോലെ കുടുംബസ്വത്താക്കാനുള്ള ശ്രമം ജനം തിരിച്ചറിയണം. വയനാട് വിടില്ലെന്ന പ്രതീതി സൃഷ്ടിച്ച് രാഹുൽ ഗാന്ധി കേരളജനതയെ വഞ്ചിച്ചു. പോളിംഗ് കഴിഞ്ഞ ശേഷമാണ് റായ്ബറേലിയിലെ സ്ഥാനാർത്ഥിത്വത്തിലെ തീരുമാനം പുറത്തുവിടുന്നത്. ജനാധിപത്യ മര്യാദയോ നീതിയോ കാണിച്ചില്ലെന്നും വി. മുരളീധരൻ പറഞ്ഞു.