പാക് മാദ്ധ്യമ പ്രവർത്തകനെ വെടിവച്ചു കൊന്നു

കറാച്ചി : പാകിസ്ഥാനിലെ ഖൈബർ പഖ്തൂൻഖ്വ പ്രവിശ്യയിൽ മാദ്ധ്യമ പ്രവർത്തകനെ അജ്ഞാതർ വെടിവച്ചു കൊന്നു. 'ഖൈബർ ന്യൂസ് ' എന്ന പാഷ്തോ ന്യൂസ് ചാനലിൽ പ്രവർത്തിക്കുന്ന ഖലീൽ ജിബ്രാൻ ആണ് മസ്രീന സുൽത്താൻഖേലിലെ വീടിന് മുന്നിൽ വെടിയേറ്റ് വീണത്. സാജിദ് എന്നൊരാൾക്ക് പരിക്കേറ്റു. കൊലപാതകത്തിന് ശേഷം രക്ഷപ്പെട്ട അക്രമികൾക്കായി പൊലീസ് തെരച്ചിൽ തുടങ്ങി. മേഖലയിൽ തീവ്രവാദികളുടെ ആക്രമണം പതിവാണ്.