എയിംസ് ബി.എസ്സി നഴ്സിംഗ് ഫലം
കൊച്ചി: ജൂൺ 8,9 തീയതികളിൽ ആൾ ഇന്ത്യാ ഇൻസ്റ്റിറ്റ്യൂട്ട് ഒഫ് മെഡിക്കൽ സയൻസസ് (AIIMS) നടത്തിയ ബി.എസ്സി നഴ്സിംഗ് പരീക്ഷാ ഫലം പ്രസിദ്ധീകരിച്ചു. വെബ്സൈറ്റ്:aiimsexams.ac.in.
നീറ്റ് പി.ജി
അഡ്മിറ്റ് കാർഡ്
കൊച്ചി: ജൂൺ 23ന് നടക്കുന്ന NEET പി.ജി പരീക്ഷയുടെ അഡ്മിറ്റ് കാർഡ് natboard. edu.inൽ നിന്ന് ഡൌൺലോഡ് ചെയ്യാം.
പ്രവേശന പരീക്ഷ 22ന്
തിരുവനന്തപുരം: മീഡിയ അക്കാഡമിയിലെ പോസ്റ്റ് ഗ്രാജുവേറ്റ് ഡിപ്ലോമ കോഴ്സ് (ടെലിവിഷൻ ജേണലിസം, ജേണലിസം & കമ്യൂണിക്കേഷൻ, പി.ആർ & അഡ്വർടൈസിംഗ്) പ്രവേശന പരീക്ഷ 22ന് (ശനിയാഴ്ച) ഓൺലൈനായി നടത്തും. പോർട്ടൽ ലിങ്കും, അഡ്മിറ്റ് കാർഡുമായി ബന്ധപ്പെട്ട മറ്റു നിർദ്ദേശങ്ങളും അപേക്ഷകർക്ക് ഇ-മെയിലായി അയച്ചിട്ടുണ്ട്. ഇ-മെയിൽ ലഭിക്കാത്തവർ 21ന് വൈകിട്ട് 5നകം അക്കാഡമിയുമായി ബന്ധപ്പെടണം. ഫോൺ 0484-2422275, ഹെൽപ്പ് ലൈൻ - 7356610110, 9207199777
ഹാൾ ടിക്കറ്റ്
തിരുവനന്തപുരം: സർക്കാർ, സ്വാശ്രയ കോളേജുകളിലെ ബാച്ചിലർ ഒഫ് ഡിസൈൻ പ്രവേശന പരീക്ഷയുടെ ഹാൾ ടിക്കറ്റ് www.lbscentre.kerala.gov.in വെബ്സൈറ്റിൽ നിന്ന് ഡൗൺലോഡ് ചെയ്യാം. ഫോൺ- 0471-2324396, 2560327
ഐ.പി.ആർ സെന്റർ ഉദ്ഘാടനം
തിരുവനന്തപുരം: എ.പി.ജെ. അബ്ദുൾ കലാം സാങ്കേതിക സർവകലാശാലയിലെ ഐ.പി.ആർ സെന്ററും സ്റ്റാർട്ടപ്പ് സെല്ലും മന്ത്രി ഡോ. ആർ. ബിന്ദു ഉദ്ഘാടനം ചെയ്തു. കേരളത്തിന്റെ സമ്പദ്ഘടന വിപുലീകരിക്കുന്നതിനുള്ള നൂതന ആശയങ്ങൾ വിദ്യാർത്ഥികളിൽ നിന്നുണ്ടാകണമെന്ന് മന്ത്രി പറഞ്ഞു. വൈസ് ചാൻസലർ ഡോ. സജി ഗോപിനാഥ് അദ്ധ്യക്ഷത വഹിച്ചു.