പമ്പിന് സ്ഥിരം തകരാർ; കുടിവെള്ളം കിട്ടാക്കനി
Thursday 27 June 2024 4:55 AM IST
കടയ്ക്കാവൂർ:നെടുങ്ങണ്ട,കായിക്കര നിവാസികൾ പമ്പിന് സ്ഥിരം തകരാർ കാരണം കുടിവെള്ളം കിട്ടാതെ വലയുന്നു. കാക്കകുഴി പമ്പ് ഹൗസിൽ നിന്നാണ് ഇവിടെ കുടിവെള്ള വിതരണം നടത്തുന്നത്.മാസത്തിൽ മൂന്നും നാലും ദിവസം മോട്ടോർ തകരാറിലാവും. മോട്ടോർ തകരാറിലായാൽ ശരിയാക്കാൻ മൂന്ന്,നാല് ദിവസം വേണ്ടിവരും. മാസത്തിൽ പത്ത് ദിവസം പോലും ശരിയായ രീതിയിൽ കുടിവെള്ള വിതരണം നടക്കുന്നില്ലെന്നാണ് ഇവരുടെ പരാതി.ഈ പ്രദേശങ്ങളിൽ കിണറുകളിൽ നിന്ന് ലഭിക്കുന്നത് ഉപ്പും ഒാരും നിറഞ്ഞ വെള്ളമാണ്. അധികൃതർക്ക് നിരവധി പരാതി നൽകിയിട്ടും ഫലമില്ല.