സജിനും അനശ്വരയും ഒരുമിക്കുന്ന പൈങ്കിളി
സജിൻ ഗോപു, അനശ്വ ര രാജൻ എന്നിവർ പ്രധാന വേഷത്തിൽ എത്തുന്ന നവാഗതനായ ശ്രീജിത്ത് ബാബു സംവിധാനം ചെയ്യുന്ന ചിത്രത്തിന് പൈങ്കിളി എന്നു പേരിട്ടു. ചിത്രീകരണം ആലുവയിൽ പുരോഗമിക്കുന്ന ചിത്രത്തിൽ. ആവേശം സിനിമയിലൂടെ ശ്രദ്ധേയനായ റോഷൻ ഷാനവാസ് ആണ് മറ്റൊരു പ്രധാന താരം. , ഫഹദ് ഫാസിൽ ആന്റ് ഫ്രണ്ട്സിന്റെ ബാനറിൽ നസ്റിയ, ഫഹദ് ഫാസിൽ , ജിതു മാധവൻ എന്നിവർ ചേർന്നാണ് നിർമ്മാണം. ഷൈജു ഖാലിദ് ഛായാഗ്രഹണം നിർവഹിക്കുന്നു.സൂപ്പർ ഹിറ്റ് ചിത്രങ്ങളായ രോമാഞ്ചം, ആവേശം എന്നീ ചിത്രങ്ങളുടെ സംവിധായകനായ ജിതു മാധവൻ രചന നിർവഹിക്കുന്നു. ആവേശം സിനിമയിൽ ഫഹദ് ഫാസിൽ അവതരിപ്പിച്ച രങ്കൻ ചേട്ടനൊപ്പം അമ്പാൻ എന്ന കഥാപാത്രമായി നിറഞ്ഞു നിന്ന താരമാണ് സജിൻ ഗോപു. ആദ്യമായാണ് സജിൻ ഗോപു നായകനാകുന്നത്.
,ആഷിഖ് അബു ,ദിലീഷ് പോത്തൻ, ജിതു മാധവൻ എന്നിവരുടെ ശിഷ്യനായി പ്രവർത്തിച്ച ശ്രീജിത്ത് നായർ രോമാഞ്ചം, ആർ ഡി. എക്സ് , ആവേശം തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്..അതേസമയം സിനിമയിൽ ചെറിയ വേഷങ്ങളിൽ വേഷമിട്ട് തുടങ്ങിയ സജിൻ ഗോപു ചുരുളി, ജാൻ എ. മൻ, രോമാഞ്ചം, നെയ്മർ, ചാവേർ തുടങ്ങിയ ചിത്രങ്ങളിലും അഭിനയിച്ചിട്ടുണ്ട്.എന്നാൽ ആവേശം സിനിമയാണ് കരിയറിൽ വഴിത്തിരിവാകന്നുത്. ബേസിൽ ജോസഫിനെ നായകനാക്കി കലാസംവിധായകൻ ജ്യോതിഷ് ശങ്കർ ആദ്യമായി സംവിധാനം ചെയ്യുന്ന ചിത്രത്തിൽ പ്രതിനായകനായാണ് സജിൻ ഗോപു എത്തുന്നത്. സംഗീത് സംവിധാനം ചെയ്യുന്ന ചിത്രത്തിലും സജിൻ ഗേപു ആണ് നായകൻ.