ബി.എം.ഡബ്ളിയു എക്സ് 7 സ്വന്തമാക്കി നവ്യ നായർ

ജീവിതത്തിലെ വലിയൊരു സന്തോഷം പങ്കിടുകയാണ് മലയാളത്തിന്റെ സ്വന്തം നവ്യ നായർ. യാത്രകൾക്ക് കൂട്ടായി ബി.എം.ഡബ്ളിയു എക്സ് 7 നവ്യ സ്വന്തമാക്കി. ബി.എം.ഡബ്ളിയു വിതരണക്കാരായ ഇ.വി.എം ഓട്ടോക്രാഫ്ടിൽ നിന്നാണ് നവ്യ ഈ ആഡംബര എസ്.യു.വി സ്വന്തമാക്കിയത്.

''എന്റെ കുടുംബത്തിലേക്ക് ഒരു പുതിയൊരാളെ കൂടി സ്വാഗതം ചെയ്യുന്നതിനാൽ ഈ പ്രത്യേക നിമിഷത്തിൽ എന്നോടൊപ്പം ചേരൂ. അതിശയിപ്പിക്കുന്ന ബി.എം.ഡബ്ളിയു. 7! ഈ യാത്ര അവിശ്വസനീയമായിരുന്നു. നിങ്ങളുമായി ഇത് പങ്കിടാതെ പറ്റില്ല. നവ്യ കുറിച്ചു. ഏകദേശം 1.30 കോടി രൂപയാണ് വാഹനത്തിന്റെ എക്സ് ഷോറൂം വില. പുഴുവിനുശേഷം റത്തിന സംവിധാനം ചെയ്യുന്ന പാതിരാത്രി എന്ന ചിത്രത്തിൽ അഭിനയിക്കുകയാണ് നവ്യ. സൗബിൻ ഷാഹിറും നവ്യയുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്.