ലൗവുണ്ടെങ്കിൽ കുഞ്ഞ് ഉണ്ടാകും, വിശേഷം ട്രെയിലർ

ചിന്നു ചാന്ദ്നിയും ആനന്ദ് മധുസൂദനനും മുഖ്യവേഷങ്ങളിലെത്തുന്ന സൂരജ് ടോം സംവിധാനം ചെയ്യുന്ന ഫാമിലി കോമഡി - ഡ്രാമ ചിത്രം വിശേഷം ട്രെയിലർ പുറത്ത് .പുനർവിവാഹിതയാകുന്ന സജിതയുടെയും ഷിജുവിന്റെയും കഥയാണ് വിശേഷ'ത്തിന്റെ പശ്ചാത്തലം. നിലവിലെ നായകസങ്കല്പങ്ങളെ പുനർനിർവചിക്കുന്ന ഷിജു ഭക്തൻ, വൈകിയ, രണ്ടാം വിവാഹം ഉൾപ്പെടെയുള്ള യഥാർത്ഥ ജീവിതാനുഭവങ്ങളിലൂടെ കടന്നുപോകുന്നു. ചിത്രത്തിൽ സജിതയെ ചിന്നു ചാന്ദ്നി അവതരിപ്പിക്കുമ്പോൾ ഷിജുവായി ആനന്ദ് മധുസൂദനൻ എത്തുന്നു. ബൈജു ജോൺസൺ, അൽത്താഫ് സലിം, ജോണി ആന്റണി, പി.പി.കുഞ്ഞികൃഷ്ണൻ, വിനീത് തട്ടിൽ, സൂരജ് പോപ്സ്, സിജോ ജോൺസൺ, മാലാ പാർവതി, ഷൈനി സാറ, ജിലു ജോസഫ്, ഭാനുമതി പയ്യന്നൂർ, അജിത മേനോൻ, അമൃത, ആൻ സലിം തുടങ്ങിയവരാണ് മറ്റ് താരങ്ങൾ.കഥയും, തിരക്കഥയും, ഗാനരചനയും, സംഗീതവും, പശ്ചാത്തല സംഗീതവും നിർവഹിക്കുന്നതും ആനന്ദാണ്.സാഗർ അയ്യപ്പൻ ഛായാഗ്രഹണം നിർവഹിക്കുന്നു.സ്റ്റെപ്പ്2ഫിലിംസിന്റെ ബാനറിൽ അനി സൂരജ് ആണ് നിർമ്മാണം. സ്റ്റോറീസ് സോഷ്യലിന് വേണ്ടി ഡോ.സംഗീത ജനചന്ദ്രനാണ് മാർക്കറ്റിംഗ് ആന്റ് കമ്മ്യൂണിക്കേഷൻസ് നിർവഹിക്കുന്നത്. ജൂലായ് 19 ന് റിലീസ് ചെയ്യും.