ഓണക്കാല ജമന്തിക്കൃഷിക്ക് തുടക്കംകുറിച്ചു

വിഴിഞ്ഞം: അദാനി ഫൗണ്ടേഷൻ,വിഴിഞ്ഞം കൃഷിഭവൻ,വിസ്മാർട്ട് ലൈവിലിഹുഡ് ഗ്രൂപ്പായ വനിതാ കാർഷിക കർമ്മസേന എന്നിവരുടെ സംയുക്താഭിമുഖ്യത്തിൽ ഓണക്കാല പഞ്ചായത്തുതല ജമന്തി കൃഷിയുടെ ഉദ്ഘാടനം അദാനി ഫൗണ്ടേഷന്റെ നേതൃത്വത്തിൽ മുക്കോലയിൽ പ്രവർത്തിക്കുന്ന ഫാം സ്കൂളിൽ മുല്ലൂർ വാർഡ് കൗൺസിലർ സി.ഓമന,വെങ്ങാനൂർ വാർഡ് കൗൺസിലർ സിന്ധു വിജയൻ എന്നിവർ ചേർന്ന് തൈ നട്ട് ഉദ്‌ഘാടനം ചെയ്തു. വിഴിഞ്ഞം കൃഷി ഓഫീസർ അഖില, അസിസ്റ്റന്റ് കൃഷി ഓഫീസർ ഹരിപ്രസാദ്.എസ്,അദാനി ഫൗണ്ടേഷൻ പ്രോഗ്രാം മാനേജർ സെബാസ്റ്റ്യൻ ബ്രിട്ടോ.എ.ജി,അസിസ്റ്റന്റ് പ്രൊജക്റ്റ്‌ മാനേജർ രാകേഷ്.ആർ.എസ്,ലൈവിലിഹുഡ് കോർഡിനേറ്റർ ജോർജ് സെൻ, സീനിയർ പ്രൊജക്റ്റ്‌ ഓഫീസർ വിനോദ് എന്നിവർ പങ്കെടുത്തു.