തിരുവമ്പാടി കെ എസ് ഇ ബി ഓഫീസിലെ അതിക്രമം,​ പ്രതികളുടെ ജാമ്യാപേക്ഷ തള്ളി,​ ചെയ്തത് ഗുരുതര കുറ്റമെന്ന് കോടതി

കോഴിക്കോട് : വൈദ്യുതി ബില്ല് അടയ്ക്കുന്നതുമായി ബന്ധപ്പെട്ട് കോഴിക്കോട് തിരുവമ്പാടി കെ.എസ്.ഇ.ബി സെക്ഷൻ ഓഫീസ് ആക്രമിച്ച സംഭവത്തിൽ പ്രതികളുടെ ജാമ്യാപേക്ഷ കോടതി തള്ളി. താമരശേരി ജുഡിഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് ജാമ്യാപേക്ഷ തള്ളിയത്. പ്രതികളായ അജ്മലും സഹോദരൻ ഷഹദാദും സമർപ്പിച്ച ജാമ്യപേക്ഷയാണ് കോടതി തള്ളിയത്. പ്രതികൾ ചെയ്തത് ഗുരുതര കുറ്റമെന്ന് കോടതി ചൂണ്ടിക്കാട്ടി.

സർക്കാർ സ്ഥാപനത്തിന് നേരെയുണ്ടായ ആക്രമണം അതീവ ഗൗരവതരമാണെന്ന് കോടതി വ്യക്തമാക്കി. ഒന്നാം പ്രതിയും യൂത്ത് കോൺഗ്രസ് നേതാവുമായ അജ്മൽ സ്ഥിരം കുറ്റ വാളിയാണെന്ന് അന്വേഷണ ഉദ്യോഗസ്ഥൻ കോടതിയെ അറിയിച്ചു .