വൈറൽ പനിയിൽ പരിഭ്രാന്തരാകേണ്ട: ഐ.എച്ച്.കെ

കൊടുങ്ങല്ലൂർ : പടർന്ന് പിടിച്ചിരിക്കുന്ന വൈറൽ പനികളും മറ്റ് പകർച്ച വ്യാധികളും കണ്ട് ജനങ്ങൾ വ്യാകുലപ്പെടേണ്ടെന്ന് ദ ഇൻസ്റ്റിറ്റിയൂഷൻ ഒഫ് ഹോമിയോപ്പത് കേരള (ഐ.എച്ച്.കെ.) കൊടുങ്ങല്ലൂർ യൂണിറ്റ് ഭാരവാഹികൾ പറഞ്ഞു. മഴക്കാല രോഗചികിത്സയ്ക്കും പ്രതിരോധത്തിനും ഹോമിയോപ്പതിയുടെ സാദ്ധ്യതകൾ പ്രയോജനപ്പെടുത്താൻ അധികാരികൾ തയ്യാറാവണം. പാർശ്വഫലങ്ങൾ ഇല്ലാതെ ഫലപ്രാപ്തി തെളിയിച്ച സുരക്ഷിതമായ ഈ ചികിത്സയുടെ ഗുണഫലം പ്രയോജനപ്പെടുത്താൻ പൊതുജനങ്ങളും സർക്കാരും മുന്നോട്ട് വരണം. വിഷയത്തിൽ ബോധവത്കരണ ക്ലാസ് ആവശ്യമുള്ളവർക്ക് താഴെ കാണുന്ന നമ്പറിൽ ബന്ധപ്പെടാം. ഡോ.വിനോദ് ഒ.ജി (പ്രസിഡന്റ്) 98460 43244, ഡോ.ഷാനവാസ് വി.എസ് (സെക്രട്ടറി) 93888 28081, ഡോ.അക്തർ അലി (ട്രഷറർ) 90742 94437.