50 ചിത്രകാരന്മാർ ഇന്ന് സി.എം.എസ് കോളേജിനെ വരയ്ക്കുന്നു

കോട്ടയം: വിവിധ ജില്ലകളിൽനിന്നുള്ള അമ്പതു ചിത്രകാരന്മാർ ഇന്ന് കോട്ടയം സി.എം.എസ് കോളേജിൽ നടക്കുന്ന ഏകദിന ചിത്രകലാ ക്യാമ്പിൽ പങ്കെടുത്ത് ചിത്രങ്ങൾ വരയ്ക്കുന്നു. രാവിലെ 9 മുതൽ 5 മണിവരെയാണ് ക്യാമ്പ്. അക്രൈലിക് മീഡിയത്തിലാണ് ചിത്രങ്ങൾ വരയ്ക്കുന്നത്. രാവിലെ 10.30ന് ജോസ് പനച്ചിപ്പുറം ക്യാമ്പ് ഉദ്ഘാടനം ചെയ്യും. മുൻ സാംസ്‌കാരിക വകുപ്പ് മന്ത്രി കെ.സി ജോസഫ് മുഖ്യ അതിഥിയായിരിക്കും. കോളേജ് പ്രിൻസിപ്പൽ ഡോ. അഞ്ജു സോസൻ ജോർജ് അദ്ധ്യക്ഷത വഹിക്കും. ക്യാമൽ സോണൽ മാനേജർ ഡി ജയ്‌കുമാർ മുഖ്യ പ്രഭാഷണം നടത്തും. ക്യാമലും കോട്ടയം സി.എം.എസ് കോളേജും കോട്ടയം ആർട്ട്‌ ഫൗണ്ടേഷനും ചേർന്നാണ് ക്യാമ്പ് സംഘടിപ്പിച്ചിരിക്കുന്നത്.

.