രവി ബസ്രൂറും ഓംകാർ മൂവീസും ഒരുമിക്കുന്ന വീര ചന്ദ്രഹാസ

കെ.ജി.എഫ്, സലാർ എന്നീ ചിത്രങ്ങളുടെ സംഗീത സംവിധായകൻ രവി ബസ്രൂർ ഓംകാർ മൂവീസുമായി ഒരുമിക്കുന്ന ചിത്രത്തിന് വീര ചന്ദ്രഹാസ എന്നു പേരിട്ടു. ഷിത്തിൽ ഷെട്ടി, നാഗശ്രീ ജി എസ്, പ്രസന്ന ഷെട്ടിഗർ മന്ദാർതി, ഉദയ് കടബാൽ, രവീന്ദ്ര ദേവാഡിഗ, നാഗരാജ് സെർവേഗർ, ഗുണശ്രീ എം നായക്, ശ്രീധർ കാസർകോട്, ശ്വേത അരെഹോളെ, പ്രജ്വൽ കിന്നൽ തുടങ്ങി പ്രഗത്ഭരായ അഭിനേതാക്കൾ അണിനിരക്കുന്ന ചിത്രം എൻ .എസ് രാജ്കുമാറാണ് നിർമ്മിക്കുന്നത്. ഗീത രവി ബസ്രൂർ, ദിനകർ (വിജി ഗ്രൂപ്പ്) എന്നിവരാണ് സഹനിർമ്മാതാക്കൾ. അനുപ് ഗൗഡ, അനിൽ യു.എസ്.എ എന്നിവരാണ് കോ-പ്രൊഡ്യൂസേഴ്സ്.കലാസംവിധാനം പ്രഭു ബാഡിഗർ നിർവഹിക്കുന്നു.
കിരൺകുമാർ .ആർ ഛായാ​ഗ്രഹണം നിർവഹിക്കുന്ന ചിത്രം അതിശയകരമായ ദൃശ്യവിസ്മയം നൽകുമെന്നാണ് നിർമ്മാതാക്കൾ അവകാശപ്പെടുന്നത്.സംഗീതം രവി ബസ്രൂർ.ചിത്രത്തെക്കുറിച്ച് കൂടുതൽ വിവരങ്ങൾ വരും ദിവസങ്ങളിൽ പുറത്തുവിടും. പി.ആർ. ഒ: ആതിര ദിൽജിത്ത്.