മറൈൻ മിറക്കിൾ അണ്ടർ വാട്ടർ ടണൽ  അക്വേറിയവും ഓണം മെഗാ എക്‌സ്‌പോയും

തിരുവനന്തപുരം: കലാ ട്രസ്റ്റും തിരുവനന്തപുരം പ്രസ് ക്ളബും സംയുക്തമായി സംഘടിപ്പിക്കുന്ന മറൈൻ മിറക്കിൾ അണ്ടർ വാട്ടർ ടണൽ അക്വേറിയവും ഓണം മെഗാ എക്സ്പോയും ലുലുമാളിന് സമീപത്തുള്ള വേൾഡ് മാർക്കറ്റ് മൈതാനത്ത് ആരംഭിക്കും. ഇന്ന് വൈകിട്ട് 4.30ന് മന്ത്രി ശിവൻകുട്ടി ഉദ്ഘാടനം ചെയ്യും. കടകംപള്ളി സുരേന്ദ്രൻ എം.എൽ.എ,കൗൺസിലർമാരായ ഡി.ജി.കുമാരൻ,പി.കെ.ഗോപകുമാർ,എൻ.അജിത്കുമാർ,വേൾഡ് മാർക്കറ്റ് സെക്രട്ടറി ഷാജി തുടങ്ങിയവർ പങ്കെടുക്കും. ഇന്ത്യയിലെ ആദ്യത്തെ ഏറ്റവും വലിയ അക്വേറിയമാണിത്. മേളയോടനുബന്ധിച്ച് പക്ഷികളെയും മൃഗങ്ങളെയും അലങ്കാര മത്സ്യങ്ങളെയും ഉൾപ്പെടുത്തിയുള്ള വിവിധ പ്രദർശനവും സെൽഫി പോയിന്റുകളും ഉണ്ടാകും.40 ദിവസത്തെ മഹാമേള ഒക്ടോബർ 2ന് സമാപിക്കും.പ്രസ് ക്ളബ് പ്രസിഡന്റ് പി.ആർ.പ്രവീൺ,വി.വിനീഷ്,സുഭാഷ്,ശാസ്‌തമംഗലം ഗോപൻ തുടങ്ങിയവർ വാർത്താസമ്മേളനത്തിൽ പങ്കെടുത്തു.