ഉറങ്ങിക്കിടന്ന യുവാവിന്റെ ജനനേന്ദ്രിയം മുറിച്ച് ലിവ് ഇൻ പങ്കാളി,​ പിന്നിലെ കാരണം വിചിത്രം

ഹൈദരാബാദ്: ഉറങ്ങിക്കിടന്ന യുവാവിന്റെ ജനനേന്ദ്രിയം കറിക്കത്തി കൊണ്ട് മുറിച്ച് യുവതി. ബീഹാർ സ്വദേശിയായ വിജയ്‌കുമാർ യാദവാണ് ലിവ് ഇൻ പങ്കാളിയായ സീത എന്ന യുവതിയുടെ ആക്രമണത്തിന് ഇരയായത്. വിജയ്‌കുമാർ യാദവ് നാലുമാസമായി സീതയ്ക്കൊപ്പമാണ് താമസിച്ചിരുന്നത്. ഇയാൾ പണം മുഴുവൻ ഭാര്യക്ക് അയച്ചുകൊടുത്തതാണ് യുവതിയെ പ്രകോപിപ്പിച്ചത്.

ഭക്ഷണം കഴിഞ്ഞ് ഉറങ്ങിക്കിടന്ന വിജയ്‌കുമാർ യാദവിന്റെ കൈകളും കണ്ണും കെട്ടിയിട്ട ശേഷം ഇയാളുടെ ഫോണും യുവതി കവർന്നു. പിന്നാലെ വീടുവിട്ട ശേഷം ഇക്കാര്യം വീട്ടുടമയെ അറിയിക്കുകയായിരുന്നു. വിജയ്‌കുമാർ തന്നെ വേണ്ട വിധം പരിഗണിക്കാത്തതിൽ യുവതി അസംതൃപ്തയായിരുന്നു. താൻ സമ്പാദിക്കുന്ന പണം വീട്ടിലേക്ക് അയക്കുനതിലും സീത അതൃപ്തി അറിയിച്ചിരുന്നു. യുവതിയും ബീഹാർ സ്വദേശിയാണ്,​ സംഭവത്തിൽ അന്വേഷണം നടക്കുന്നതായി പൊലീസ് അറിയിച്ചു.