31 ലിറ്റർ ചാരായവുമായി ഒരാൾ പിടിയിൽ
Monday 26 August 2024 1:18 AM IST
ആലപ്പുഴ: ജില്ലയിൽ വീണ്ടും എക്സൈസിന്റെ ചാരായവേട്ട. ചെന്നിത്തലയിൽ നിന്ന് 31.500 ലിറ്റർ ചാരായവും 600 ലിറ്റർ കോടയും വാറ്റുപകരണങ്ങളും പിടികൂടി. സംഭവത്തിൽ മാന്നാർ വലിയകുളങ്ങര മുറിയിൽ വാസുദേവം വീട്ടിൽ വാടകയ്ക്ക് താമസിക്കുന്ന മാവേലിക്കര ചെന്നിത്തല കാരാഴ്മ പടിഞ്ഞാറേ മുറിയിൽ പൗവത്തിൽ കിഴക്കതിൽ വീട്ടിൽ സുനിൽ കുമാറിനെ (44) അറസ്റ്റ് ചെയ്തു.
ചെങ്ങന്നൂർ എക്സൈസ് സർക്കിൾ ഇൻസ്പെക്ടർ എം.സജീവ് കുമാറിന്റെയും ആലപ്പുഴ എക്സൈസ് ഇന്റലിജൻസും സംയുക്തമായി നടത്തിയ റെയ്ഡിലാണ് ഇയാൾ പിടിയിലായത്.
സി.ഐയെ കൂടാതെ എക്സൈസ് ഉദ്യോഗസ്ഥരായ ജോഷി ജോൺ,ബാബു ഡാനിയേൽ , അശോകൻ,ആർ. പ്രകാശ്, സിജു പി. ശശി, പ്രദീഷ് പി. നായർ, മായ റ്റി.എസ് എന്നിവരും റെയ്ഡിൽ പങ്കെടുത്തു.