മൊബൈലും പണവും കവർന്ന മോഷ്ടാവ് പിടിയിൽ

തിരുവനന്തപുരം: വഴിയാത്രക്കാരനെ ആക്രമിച്ച് മൊബൈൽ ഫോണും പണവും പിടിച്ചുപറിച്ച പ്രതി പിടിയിൽ. നെടുമങ്ങാട് സ്വദേശി ഷെഫീക്കിനെയാണ്(34) ഫോർട്ട് പൊലീസ് അറസ്റ്റുചെയ്തത്. വെള്ളിയാഴ്ച രാത്രി 7.30ന് സെൻട്രൽ തിയേറ്ററിനു സമീപം വഴിയാത്രക്കാരനായ രവിയുടെ മൊബൈൽ ഫോണും ഇയർ ബഡും ഷർട്ടിന്റെ പോക്കറ്റിൽനിന്ന് 600 രൂപയും പ്രതി പിടിച്ചുപറിച്ച് കടന്നുകളഞ്ഞു. പേപ്പർ കട്ടിംഗ് ബ്ലേഡ് കഴുത്തിൽ വച്ച് ഭീഷണിപ്പെടുത്തിയായിരുന്നു ആക്രമണം. ഫോർട്ട് എസ്.എച്ച്.ഒ ശിവകുമാറിന്റെ നേതൃത്വത്തിൽ എസ്.ഐ ശ്രീജേഷ്, സി.പി.ഒ രഞ്ജത്ത്, പ്രവീൺ, വിനോദ് എന്നിവരടങ്ങുന്ന സംഘമാണ് പ്രതിയെ പിടികൂടിയത്. ഇയാൾ അഞ്ചോളം മോഷണ കേസുകളിൽ പ്രതിയാണ്. പ്രതിയെ റിമാൻഡ് ചെയ്തു.