മാനുവൽ എവിടെ? കൊണ്ടൽ ടീസർ

ആന്റണി വർഗീസിനെ നായകനാക്കി അജിത് മാമ്പള്ളി സംവിധാനം ചെയ്യുന്ന കൊണ്ടൽ എന്ന ചിത്രത്തിന്റെ ആദ്യ ടീസർ പുറത്ത്. മാനുവലിനെ കണ്ടില്ല എന്ന ചോദ്യവുമായാണ് ടീസർ ആരംഭിക്കുന്നത്. കടൽ സംഘർഷത്തിന്റെ കഥ പറയുന്ന ചിത്രത്തിന്റെ ഹൈലൈറ്റ് കടലിൽ വെച്ചുള്ള ആക്ഷൻ രംഗങ്ങളാണെന്ന സൂചനകളാണ് ടീസർ തരുന്നത്. ചിത്രത്തിൽ മാനുവൽ എന്ന കഥാപാത്രത്തെയാണ് ആന്റണി വർഗീസ് അവതരിപ്പിക്കുന്നത്. സെപ്തംബറിൽ 13ന് ഓണം റിലീസായി കൊണ്ടൽ തിയേറ്ററുകളിലെത്തും.

ആന്റണി വർഗീസിനൊപ്പം കന്നഡ സൂപ്പർ താരം രാജ് ബി ഷെട്ടി, ഷബീർ കല്ലറക്കൽ, നന്ദു, മണികണ്ഠൻ ആചാരി, പ്രമോദ് വലിയനാട്, ശരത് സഭ, അഭിറാം രാധാകൃഷ്ണൻ, പി എൻ സണ്ണി, സിറാജുദ്ദീൻ നാസർ, നെബിഷ് ബെൻസൺ, ആഷ്ലീ, രാഹുൽ രാജഗോപാൽ, അഫ്സൽ പി എച്ച്, റാം കുമാർ, സുനിൽ അഞ്ചുതെങ്ങ്, രാഹുൽ നായർ, ഉഷ, കനക കൊനശനദ്, ജയ കുറുപ്പ്, പുഷ്പകുമാരി എന്നിവരാണ് മറ്റു കഥാപാത്രങ്ങൾ.

ഛായാഗ്രഹണം: ദീപക് ഡി മേനോൻ, സംഗീതം: സാം സിഎസ്, എഡിറ്റർ: ശ്രീജിത്ത് സാരംഗ്, ആക്ഷൻ: വിക്രം മോർ, കലൈ കിങ്സൺ. തവാസി രാജ്, കലാസംവിധാനം: അരുൺ കൃഷ്ണ, വസ്ത്രാലങ്കാരം: നിസാർ റഹ്മത്, വീക്കെൻഡ് ബ്ലോക്ക്ബസ്റ്ററിന്റെ ബാനറിൽ സോഫിയ പോളാണ് നിർമ്മാണം. പിആർഒ വാഴൂർ ജോസ്.