I7കാരനെ 9അംഗ സംഘം മർദ്ദിച്ചു

അമ്പലപ്പുഴ : വീടിന് മുന്നിൽ നിന്ന 17 കാരനെ മദ്യപസംഘം മർദ്ദിച്ചതായി പരാതി. പുന്നപ്ര തെക്ക് പഞ്ചായത്ത് 14-ാം വാർഡിൽ പുതുവൽ വീട്ടിൽ സുരേഷിന്റെമകൻ സുധി (17) ക്കാണ് മർദ്ദനമേറ്റത്. സുധി ആലപ്പുഴ മെഡിക്കൽ കോളേജ് ആശുപത്രിയിൽ ചികിത്സ തേടി. തിങ്കളാഴ്ച രാത്രി 7 ഓടെ വീടിന് മുന്നിൽ നിന്നിരുന്ന സുധിയെ അതു വഴി പോയ 9 അംഗ സംഘം അകാരണമായി മർദ്ദിക്കുകയായിരുന്നെന്ന് പുന്നപ്ര പൊലീസിന് മൊഴി നൽകി. പ്രതികൾക്ക് വേണ്ടി പൊലീസ് അന്വേഷണം ആരംഭിച്ചു.