4 കിലോ കഞ്ചാവുമായി പിടിയിൽ

കൊട്ടാരക്കര: വില്പനയ്ക്ക് കരുതിയ നാല് കിലോ കഞ്ചാവുമായി മുൻ കഞ്ചാവുകേസ് പ്രതി പിടിയിൽ. പെരുംകുളം വിശാഖത്തിൽ ബിജുവിനെയാണ് (49) തലവൂരിൽ നിന്ന്, റൂറൽ എസ്.പി നിയോഗിച്ച ഡാൻസാഫ് ടീം പിടികൂടിയത്. ബി​ജുവി​നെ കരുതൽ തടങ്കലിലും പാർപ്പിച്ചിരുന്നതാണ്. അടത്തിടെ ജയിലിന് പുറത്തിറങ്ങിയ ഇയാൾ വീണ്ടും കഞ്ചാവ് വില്പനയിൽ സജീവമായപ്പോഴാണ് പൊലീസ് പിടികൂടിയത്. കുന്നിക്കോട് പൊലീസ് അറസ്റ്റ് രേഖപ്പെടുത്തി.