സുഹൃത്തിനൊപ്പം സിനിമയ്ക്ക് പോയ സഹോദരിയെ യുവാവ് വെട്ടിപ്പരിക്കേൽപ്പിച്ചു

പാലക്കാട്: സുഹൃത്തിനൊപ്പം സിനിമയ്ക്ക് പോയ സഹോദരിയെ വെട്ടിപ്പരിക്കേൽപ്പിച്ച യുവാവ് അറസ്റ്റിൽ. എലപ്പുള്ളി നോമ്പിക്കോട് ഒകരംപള്ളം സ്വദേശി സുരേഷിന്റെ മകൾ ആര്യ(19) യെയാണ് സഹോദരൻ സൂരജ് വെട്ടിപ്പരിക്കേൽപ്പിച്ചത്.

ഇന്ന് പുലർച്ചെ അഞ്ചരയോടെയാണ് സംഭവം. ആക്രമണത്തിൽ ആര്യയുടെ തലയ്ക്കും കാലിനുമാണ് പരിക്കേറ്റത്. പെൺകുട്ടി ഇപ്പോൾ ജില്ലാ ആശുപത്രിയിൽ ചികിത്സയിലാണ്. പരിക്ക് ഗുരുതരമല്ലെന്നാണ് വിവരം.