അഞ്ചുതെങ്ങിൽ വ്യാപാരസ്ഥാപനത്തിന്റെ മേൽക്കൂര തകർത്ത്‌ മോഷണം

കടയ്ക്കാവൂർ: അഞ്ചുതെങ്ങ് ജംഗ്ഷനിലെ വ്യാപാരസ്ഥാപനത്തിന്റെ മേൽക്കൂര തകർത്ത്‌ മോഷണം. കഴിഞ്ഞ ദിവസം പുലർച്ചെ 3.15 ഓടെയായിരുന്നു സംഭവം.അഞ്ചുതെങ്ങ് സ്വദേശി ഹൈദർഖാന്റെ ഉടമസ്ഥതയിൽ അഞ്ചുതെങ്ങ് ജംഗ്ഷനിൽ പ്രവർത്തിക്കുന്ന സജ്നാ ട്രേഡേഴ്സിലാണ് മോഷണം നടന്നത്.കടയുടെ വൈദ്യുതി കണക്ഷൻ കട്ട്‌ ചെയ്തശേഷം ഷീറ്റ് പാകിയ മേൽക്കൂര തകർത്താണ് മോഷ്ടാവ് അകത്ത് കയറിയതെന്നാണ് സി.സി ടി.വിയിലുള്ളത്. പ്ലാസ്റ്റിക് പോളിത്തീൻ കവറുകൊണ്ട് മുഖവും ശരീര ഭാഗങ്ങളും മൂടിയിരുന്നതിനാൽ മോഷ്ടാവിന്റെ മുഖം വ്യക്തമല്ല.കടയ്ക്കുള്ളിലെ മേശവലിപ്പുകളിലുണ്ടായിരുന്ന 50,000 ത്തോളം രൂപ മോഷ്ടിക്കപ്പെട്ടതായി കാണിച്ച് കടയുടമ പൊലീസിൽ പരാതി നൽകി. അഞ്ചുതെങ്ങ് പൊലീസ് അന്വേഷണം ആരംഭിച്ചു.