മറ്റുള്ളവരുടെ കാര്യത്തിൽ ഇടപെടുമ്പോൾ പ്രത്യേക ശ്രദ്ധ വേണം; ഈ നക്ഷത്രക്കാർക്ക് ഉദരരോഗം വരാനും സാദ്ധ്യത
റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ:samkhiyarathnam@gmail.com
2025 ഫെബ്രുവരി 5 - മകരം 23 ബുധനാഴ്ച. ( രാത്രി 8 മണി 32 മിനിറ്റ് 46 സെക്കന്റ് വരെ ഭരണി നക്ഷത്രം ശേഷം കാർത്തിക നക്ഷത്രം )
അശ്വതി: പ്രേമകാര്യങ്ങളിൽ പുരോഗതിയനുഭവപ്പെടും. സർക്കാർ കാര്യങ്ങളിൽ ശ്രദ്ധ വേണ്ടതുണ്ട്. ദേവാലയ ദര്‍ശന ഭാഗ്യം, കൗതുക വസ്തുക്കള്‍ കൈവശം വന്നുചേരും, അഭിമാനകരമായ സംഗതികള്‍ ഉണ്ടാകും, രോഗശാന്തി.
ഭരണി: പിതാവിന്റെ ആരോഗ്യകാര്യത്തിൽ കരുതൽ കൈക്കൊള്ളണം. അഭിമാനക്ഷതം വരാതെ നോക്കണം, ധനനാശം അനുഭവത്തില്‍ വരും, ഉദ്യോഗസ്ഥര്‍ക്ക് ജോലിക്കൂടുതല്‍, പ്രയാസങ്ങള്‍, കുടുംബകലഹം.
കാർത്തിക: സഹോദരരുമായുള്ള ബന്ധത്തിൽ വിഷമങ്ങൾ സംഭവിക്കാം. അന്യരെ വിശ്വാസപൂര്‍വ്വം ഒന്നും ഏൽപ്പിക്കരുത്, സമയത്തിന് ആഹാരം കഴിക്കാന്‍ സാധിക്കാത്ത രീതിയില്‍ പ്രശ്നങ്ങളെ നേരിടേണ്ടിവരും.
രോഹിണി: സ്വന്തബന്ധുക്കളുമായി കലഹിക്കാൻ പ്രേരണയേറും. അധികച്ചെലവുകൾ ഒരു ബാദ്ധ്യത ആകും, ദാമ്പത്യ സുഖക്കുറവ് അനുഭപ്പെടും, കൃഷിയില്‍ നിന്നും ധനലാഭം, മറ്റുള്ളവരെ സഹായിക്കാന്‍ താല്‍പര്യം കാണിക്കും.
മകയിരം: പ്രതീക്ഷിച്ചത്ര സഹായം കിട്ടിയെന്നുവരില്ല. ആരോഗ്യപരിപാലനത്തിൽ ജാഗരൂകരാവണം. മംഗല്യത്തിന് കാലതാമസമോ തടസമോ വരും, അലസത നഷ്ടങ്ങള്‍ വരുത്തും, സ്വന്തം തീരുമാനങ്ങള്‍ കൂടെ കൂടെ മാറ്റുന്നതിന് യാതൊരു മടിയും കാണില്ല.
തിരുവാതിര: കലാകാരന്മാർക്ക് ആദരം ലഭിക്കും. ആർഭാട ജീവിതത്തിൽ താത്പര്യമേറും. ആത്മസംയമനം പുലർത്തണം. സന്താനങ്ങളുടെ കാര്യത്തില്‍ കൂടുതല്‍ ശ്രദ്ധ പ്രകടിപ്പിക്കും, അത്യാവശ്യ ഘട്ടത്തിൽ അയൽസഹായം ലഭിക്കും.
പുണർതം: കച്ചവടക്കാർ പുതിയ സംരംഭങ്ങൾ തുടങ്ങാൻ പരിശ്രമിക്കും. ജോലിമാറ്റം ആഗ്രഹിക്കുന്നവർക്ക് ആഗ്രഹസാഫല്ല്യം, അന്യ വ്യക്തികളിൽ നിന്നും വിഷമകരമായ സംസാരവും പ്രവര്‍ത്തികളും ഉണ്ടാകും.
പൂയം: ആത്മവിശ്വാസം വർദ്ധിക്കും. ജീവിത പരീക്ഷകളെയും മത്സരങ്ങളേയും സധൈര്യം നേരിടും. മുമ്പുണ്ടായിരുന്നതിനേക്കാള്‍ സമാധാനവും സന്തോഷവും അനുഭവപ്പെടും, പലരിൽ നിന്നും സഹായ സഹകരണങ്ങള്‍, ഭാര്യാഗുണം.
ആയില്യം: ദൂരെയാത്രകൾക്ക് പദ്ധതി തയ്യാറാക്കും. മക്കളുടെ ഭാവികാര്യങ്ങളിൽ ഉചിതമായ തീരുമാനങ്ങൾ സ്വീകരിക്കും. ജനപ്രീതിയും അംഗീകാരവും വർദ്ധിക്കും, ബന്ധുക്കളുടെ എതിര്‍പ്പുകളെ അതിജീവിക്കാന്‍ സാധിക്കും.
മകം: സാമ്പത്തികസ്ഥിതി മോശമാവില്ല. വസ്തുവിന്റെ ക്രയവിക്രയങ്ങൾ ലാഭത്തിലെത്താം. അന്യദേശത്ത് നിന്നും ശുഭ വാര്‍ത്തകള്‍ ശ്രവിക്കും, ബുദ്ധിമുട്ടുകൾ നേരിട്ടിരുന്നവര്‍ക്ക് അവയൊക്കെ മാറി സമയം അനുകൂലമാകും.
പൂരം: കാര്യാലോചനകളിൽ അഭിപ്രായങ്ങൾക്ക് പിന്തുണ കിട്ടും. പുതിയ സൗഹൃദങ്ങൾ വന്നുചേരും. ശത്രുക്കളെ പരാജയപ്പടുത്തും, തൊഴിലിലും കലാരംഗത്തും പുതിയ അവസരങ്ങള്‍ തേടിയത്തും.
ഉത്രം: നവീനകാര്യങ്ങൾ തുടങ്ങുവാനുള്ള ആലോചനകൾ സുഗമമായി പുരോഗമിക്കും. എല്ലാവിധ സുഖ സൗകര്യങ്ങളും അനുഭവിക്കാന്‍ യോഗം, നിയമപരമായി ആനുകൂല്യങ്ങള്‍ ലഭിക്കും.
അത്തം: ദാമ്പത്യജീവിതത്തിൽ ഉണ്ടാകുന്ന അപസ്വരങ്ങളെ ബുദ്ധിപൂർവം മറികടക്കും. ഉത്തരവാദിത്വത്തോടെ ജോലികള്‍ ചെയ്തു തീര്‍ക്കും,പേരും പെരുമയും വര്‍ദ്ധിക്കും, കലാരംഗത്തുള്ളവര്‍ക്ക് നേട്ടം.
ചിത്തിര: തൊഴിൽ മേഖലയിൽ സ്വാധീനം വർദ്ധിക്കും. പൊതു പ്രവർത്തകർക്ക് അണികളുടെ പിൻബലം സിദ്ധിക്കും. കാർഷിക വിഭവങ്ങൾ മുഖേന ധനവരവ്, സാങ്കേതിക സ്ഥാപനത്തിൽ നിന്ന് പ്രത്യേക പരിഗണന, മംഗള കർമ്മത്തിന് മുൻകൈയെടുക്കും, ഭക്ഷണസൗഖ്യം.
ചോതി: പ്രതികൂല സാഹചര്യങ്ങളെ കരുതലോടെ പ്രതിരോധിക്കും. ഗുരുകാരണവരുടെ അനുഗ്രഹാശിസ്സുകൾ ഉണ്ടാവും. അധികാര സ്ഥാനത്ത് തിരിച്ചുവരവ് നടത്തും, ഹോട്ടൽ മേഖലയിൽ നേട്ടം, മേലുദ്യോഗസ്ഥനുമായുള്ള സൗന്ദര്യപ്പിണക്കം മാറും.
വിശാഖം: അവിവാഹിതർക്ക് വിവാഹബന്ധത്തിൽ പ്രവേശിക്കാൻ കഴിയും. ഉടമ്പടികളിൽ ഒപ്പു വയ്‌ക്കുമ്പോൾ പ്രത്യേക ശ്രദ്ധ പതിപ്പിക്കേണ്ടതുണ്ട്. ഐശ്വര്യമുള്ള ഗൃഹം സ്വന്തമാക്കാൻ യോഗം, കായികരംഗത്ത് അംഗീകാരം, വ്യക്തിഗത മികവിന് അംഗീകാരം.
അനിഴം: വിദേശത്ത് തൊഴിൽ തേടുന്നവർക്ക് കാര്യസിദ്ധിയുണ്ടാവും. മാതാപിതാക്കളുടെ പരിപാലനത്തിൽ വീഴ്ചയുണ്ടാവാതെ നോക്കണം. അച്ചടക്കമുള്ള ജോലിക്കാരെ കണ്ടെത്തും, നിയമ യുദ്ധത്തിൽ വിജയം, വാഹന ഏജൻസിയിൽ നേട്ടം.
കേട്ട: നൂതന സംരംഭങ്ങൾക്ക് സർക്കാർ അനുമതി കിട്ടും. പുതിയ വരുമാന മാർഗങ്ങൾ തുറന്നുകിട്ടും. മേലുദ്യോഗസ്ഥന്റെ സമീപനത്തിൽ ഗുണകരമായ മാറ്റം, ചിട്ടി ഇടപാടിൽ നേട്ടം, സഹോദരസഹായം ഉണ്ടാകും.
മൂലം: ആരോഗ്യ കാര്യങ്ങളിൽ ശ്രദ്ധ വേണം. കലഹവാസനകളെ നിയന്ത്രിക്കണം. കുടുംബപരമായി ഉള്ള അസ്വസ്ഥതകള്‍, പണം ചെലവഴിക്കുന്ന കാര്യത്തില്‍ മിതത്വം പാലിച്ചില്ലെങ്കില്‍ ഏറെ കഷ്ടപെടും.
പൂരാടം: സാഹസങ്ങളും അപരിചിതരുമായുള്ള സഹവാസവും അകാലയാത്രകളും ഒഴിവാക്കുന്നതാണ് അഭികാമ്യം. ജോലി സംബന്ധിച്ച് ദൂരെയാത്ര, ആരോഗ്യ പ്രശ്നങ്ങള്‍, സഹായിച്ചവര്‍ ആവശ്യ സമയത്ത് ഉപകരിക്കില്ല.
ഉത്രാടം: ബന്ധുജനാനുകൂല്യം കുറയും. ഉദരരോഗം വിഷമിപ്പിച്ചേക്കാം. തരം താഴ്ത്തപ്പെടൽ അനുഭവത്തില്‍ വരും, ഗുരുസ്ഥാനീയരുടെ കൂടി ഉപദേശം സ്വീകരിച്ചതിനു ശേഷം മാത്രം തീരുമാനങ്ങള്‍ക്ക് അന്തിമരൂപം കൊടുക്കുക.
തിരുവോണം: കുടുംബാംഗങ്ങളുടെ പിന്തുണ നേടാൻ കഠിനമായി പരിശ്രമിക്കേണ്ടി വരും. തെറ്റിദ്ധാരണകൾ തിരുത്താനുള്ള ശ്രമം ഭാഗികമായി വിജയിക്കും. വായനാശീലം വര്‍ദ്ധിക്കും, ദാന കര്‍മ്മങ്ങള്‍ നടത്തും, ഉന്നത സ്ഥാനങ്ങൾ അലങ്കരിക്കും.
അവിട്ടം: പ്രവർത്തനങ്ങൾക്ക് കുടുംബത്തിന്റെ അംഗീകാരം ലഭിക്കും. ബിസിനസ്സ് ലാഭകരമാകാം. പുതുസംരംഭങ്ങൾ തുടങ്ങിയേക്കും. തൊഴില്‍ സ്ഥാപനത്തിൽ കൂടുതല്‍ മെച്ചപ്പെട്ട അവസരങ്ങള്‍ കിട്ടും, ആകര്‍ഷകമായി സംസാരിക്കും.
ചതയം: അന്യരുടെ കാര്യത്തിൽ ഇടപെടാതിരിക്കുന്നതാവും നല്ലത്. മക്കളുടെ ഉന്നമനത്തിനായി ചില നടപടികൾ കൈക്കൊള്ളും. അംഗീകാരവും വിജയവും, സന്താനങ്ങള്‍ മൂലം സന്തോഷംകിട്ടും, കലാ മത്സരങ്ങളില്‍ വിജയം.
പൂരുരുട്ടാതി: ദൈവിക കാര്യങ്ങളുടെ ചുമതല സ്തുത്യർഹമായി നിർവഹിക്കും. പണച്ചെലവ് നിയന്ത്രിക്കാൻ കഴിയും. ഉദ്യോഗത്തില്‍ നിന്നും കൂടിയ വരുമാനം ലഭിക്കും, സ്വന്തം പ്രവര്‍ത്തികൾ വിജയത്തിലെത്തും, വാഹനസുഖം,യാത്രാഗുണം.
ഉത്തൃട്ടാതി: സൗഹൃദങ്ങൾ അനുകൂലമാകും. വസ്തുവകകളിൽ നിന്നും ആദായം വന്നുചേരും. കുടുംബബന്ധങ്ങൾ ഊഷ്മളമായി തുടരും. കലഹത്തിനു വരുന്നവരെ പോലും സരസമായി സംസാരിച്ചു വശത്താക്കും, ചിന്താശേഷിയോടുകൂടി പ്രവര്‍ത്തിക്കുന്നതിനാല്‍ പരാജയം വിജയമാക്കി മാറ്റും.
രേവതി: ജീവിത സാഹചര്യങ്ങൾ മെച്ചപ്പെട്ടേക്കാം. അധികാരികളുടെ പ്രീതി കൈവരുന്നതാണ്. ഊഹക്കച്ചവടത്തിൽ നഷ്ടങ്ങൾ ഏർപ്പെടാനിടയുണ്ട്. ആഗ്രഹപ്രാപ്തി, യാത്രയില്‍ നേട്ടം, സര്‍ക്കാരില്‍ നിന്നും ആനുകൂല്യങ്ങള്‍, ബിസിനസ്സിൽ നിന്നും മികച്ച നേട്ടങ്ങൾ.