സ്കൂൾ വാർഷികവും ആദരിക്കലും

വൈക്കം: കാലത്തിന്റെ മാ​റ്റങ്ങൾക്കൊത്ത വിദ്യാഭ്യാസ രീതികൾ സ്വായത്തമാക്കാൻ കുട്ടികളെ പ്രാപ്തരാക്കാൻ രക്ഷിതാക്കൾ ശ്രദ്ധിക്കണമെന്ന് ഫ്രാൻസിസ് ജോർജ് എം.പി പറഞ്ഞു. ഉദയനാപുരം ഓർശ്ലേം പബ്ലിക്ക് സ്‌കൂളിന്റെ വാർഷികാഘോഷവും മികച്ച പ്രതിഭകളെ ആദരിക്കലും ഉദ്ഘാടനം ചെയ്യുകയായിരുന്നു അദ്ദേഹം. സ്‌കൂൾ മാനേജർ ഫാ. സെബാസ്​റ്റ്യൻ നാഴിയമ്പാറ അദ്ധ്യക്ഷത വഹിച്ചു. ഫാ. സെബാസ്​റ്റ്യൻ മനയ്ക്കപ്പറമ്പിൽ, ട്രസ്​റ്റി അഡ്വ. ജേയിംസ് കടവൻ, പ്രധാന അദ്ധ്യാപിക ദീപ പ്രേംചന്ദ്, നഗരസഭ ചെയർപേഴ്സൺ പ്രീത രാജേഷ്, പഞ്ചായത്ത് മെമ്പർമാരായ ശരത്. ടി. പ്രകാശ്, രാധാമണി സദാനന്ദൻ, പി. ടി. എ പ്രതിനിധി മനു മാത്യു, പി.ഡി. മാത്യു, ടി.എസ്. ആവണി എന്നിവർ പ്രസംഗിച്ചു.