വയസ് 45 , അതീവ ഗ്ലാമറസായി പദ്മപ്രിയ
നടി പദ്‌മപ്രിയയുടെ ഏറ്റവും പുതിയ ഫോട്ടോ ഷൂട്ട് ചിത്രങ്ങൾ ശ്രദ്ധനേടുന്നു. 45 വയസ് പിന്നിട്ട നടിയുടെ ഗ്ലാമറിന് ഒരു കുറവും സംഭവിച്ചിട്ടില്ലെന്ന് ആരാധകർ. പാർവതി തിരുവോത്ത് ഉൾപ്പെടെയുള്ള സഹപ്രവർത്തകരും ഫോട്ടോ ഷൂട്ടിനെ അഭിനന്ദിച്ച് രംഗത്തുവന്നു. നിതിരാജ് സിംഗ് ചിറ്റോർ പകർത്തിയതാണ് ഗ്ളാമർ ചിത്രങ്ങൾ.സീനു വാസന്തി ലക്ഷ്‌മി എന്ന തെലുങ്ക് സിനിമയിലൂടെയാണ് പദ്മപ്രിയ അഭിനയരംഗത്തേക്കു വരുന്നത്. അതിനു ശേഷം മലയാളം, തമിഴ്, തെലുങ്ക് ഭാഷകളിലായി തിളങ്ങി. കാഴ്‌ച, കറുത്തപക്ഷികൾ, പഴശ്ശിരാജ എന്നീ മലയാളം സിനിമകളിലെ അഭിനയത്തിന് നിരവധി പുരസ്കാരങ്ങൾ ലഭിച്ചു. നാട്യബ്രഹ്മശ്രീ രാമമൂർത്തിയുടെ കീഴിൽ ഭരതനാട്യം അഭ്യസിച്ച പദ്മപ്രിയ ഇരുനൂറിലധികം വേദികളിലും നൃത്തം അവതരിപ്പിച്ചിട്ടുണ്ട്.
2022ൽ റിലീസ് ചെയ്ത ബിജു മേനോൻ നായകനായി എത്തിയ ഒരു തെക്കൻ തല്ലുകേസിലാണ് പദ്മപ്രിയ അവസാനം അഭിനയിച്ചത്.