ശാസ്ത്ര സാഹിത്യ പരിഷത്ത് സമ്മേളനം

കുമരകം : കേരള ശാസ്ത്ര സാഹിത്യ പരിഷത്തിന്റെ 62-ാമത് ജില്ലാ സമ്മേളനം 12 ന് കുമരകത്ത് നടക്കും. രാവിലെ 10 ന് കുമരകം പഞ്ചായത്ത് സാംസ്കാരിക നിലയത്തിൽ ന്യൂറോ സയന്റിസ്റ്റ് ഡോ.കെ.പി.മോഹൻകുമർ ഉദ്ഘാടനം ചെയ്യും. തുടർന്ന് കേരളം നേരിടുന്ന വിവിധ പ്രശ്നങ്ങൾക്ക് ഉതകുന്ന ചർച്ചകളും ' പഠനങ്ങളും അവതരിപ്പിക്കും. സമ്മേളനത്തോടനുബന്ധിച്ച് വിളംബര ജാഥ , മയക്കുമരുന്നുകൾക്കെതിരെ ഗൃഹസദസ് , വാനനിരീക്ഷണം തുടങ്ങിയ നിരവധി പരിപാടികൾ ആസൂത്രണം ചെയ്തിട്ടുള്ളതായി സംഘാടക സമിതി ചെയർമാൻ പി.ഐ എബ്രഹാം, കൺവീനർ മഹേഷ് ബാബു, മേഖലാ സെക്രട്ടറി എസ്.ഡി.പ്രേംജി എന്നിവർ അറിയിച്ചു.