സി.പി.എം ജനറൽ സെക്രട്ടറി : എം.എ.ബേബിക്ക് മുൻതൂക്കം

മധുര: സി.പി.എമ്മിന്റെ പുതിയ ജനറൽ സെക്രട്ടറിയായി എം.എ.ബേബി എത്തുമെന്ന് ഏറെക്കുറെ ഉറപ്പായി. ഇന്നലെ രാത്രിയിൽ ചേർന്ന പി.ബി യോഗത്തിൽ ധാരണയായെങ്കിലും ഇന്ന് പാർട്ടി കോൺഗ്രസാവും ഔദ്യോഗിക അംഗീകാരം നൽകുക.

എം.എ.ബേബിക്ക് പുറമെ മഹാരാഷ്ട്രയിൽ നിന്നുള്ള പി.ബി അംഗം അശോക് ധാവ്‌ലെയുടെയും ആന്ധ്രയിൽ നിന്നുള്ള രാഘവലുവിന്റെയും പേരുകളാണ് ജനറൽ സെക്രട്ടറി സ്ഥാനത്തേക്ക് തുടക്കം മുതൽ കേട്ടിരുന്നത്. താൻ ജനറൽ സെക്രട്ടറി പദത്തിലേക്കില്ലെന്ന സൂചന രാഘവലു കഴിഞ്ഞ ദിവസം വാർത്താ സമ്മേളനത്തിൽ തന്നെ നൽകിയിരുന്നു.

കേരള അംഗങ്ങൾക്കു പുറമെ പി.ബി കോ- ഓർഡിനേറ്റർ പ്രകാശ് കാരാട്ട് ഉൾപ്പെടെയുള്ളവരുടെ പിന്തുണ എം.എ.ബേബിക്കായിരുന്നു. മാത്രമല്ല, പി.ബിയിലെ മുതിർന്ന അംഗങ്ങളിൽ ഒരാളുമാണ് ബേബി. എന്നാൽ, സമീപകാലത്ത് കർഷക സമരത്തിനും മറ്റും ശക്തമായ നേതൃത്വം നൽകിയ ധാവ്‌ലെ ജനറൽ സെക്രട്ടറിയാവുന്നത് പാർട്ടിക്ക് ഭാവിയിൽ ഗുണം ചെയ്യുമെന്ന നിലപാടാണ് ബംഗാൾ ഘടകം കൈക്കൊണ്ടത്.

പാർട്ടിക്ക് ശക്തമായ അടിത്തറയും തുടർഭരണവുമുള്ള കേരളത്തിൽ നിന്നുള്ള അംഗം ജനറൽ സെക്രട്ടറി പദവിയിലെത്തിയാൽ അത് സംഘടനയുടെ വളർച്ചയിൽ നിർണായക സ്വാധീനം ചെലുത്തുമെന്ന വാദഗതിയും ശക്തമായി. ഇതാണ് ബേബിയെ തിരഞ്ഞെടുക്കാനുള്ള പ്രധാന കാരണമായത്.

ഇന്ന് കൊടിയിറക്കം

24​-ാ​മ​ത് ​സി.​പി.​എം​ ​പാ​ർ​ട്ടി​ ​കോ​ൺ​ഗ്ര​സി​ന് ​ഇ​ന്ന് ​കൊ​ടി​യി​റ​ങ്ങും.​ ​ഇ​ന്ന് ​വൈ​കി​ട്ട് 3​ന് ​മ​ധു​ര​ ​പാ​ണ്ടി​ ​ക്ഷേ​ത്ര​ത്തി​ന് ​സ​മീ​പ​ത്തു​ ​നി​ന്ന് ​തു​ട​ങ്ങു​ന്ന​ ​റെ​ഡ് ​വോ​ള​ണ്ടി​യ​ർ​ ​മാ​ർ​ച്ചി​ൽ​ 10,000​ത്തോ​ളം​ ​പേ​ർ​ ​പ​ങ്കെ​ടു​ക്കും.​ ​തു​ട​ർ​ന്ന് ​വൈ​കി​ട്ട് ​അ​ഞ്ചി​ന് ​മ​ധു​ര​ ​വ​ണ്ടി​യൂ​ർ​ ​റിം​ഗ് ​റോ​ഡ് ​ജം​ഗ്ഷ​ൻ​ ​ഗ്രൗ​ണ്ടി​ൽ​ ​പൊ​തു​സ​മ്മേ​ള​നം.​ ​സി.​പി.​എം​ ​ത​മി​ഴ്നാ​ട് ​സം​സ്ഥാ​ന​ ​സെ​ക്ര​ട്ട​റി​ ​പി.​ഷ​ൺ​മു​ഖം​ ​അ​ദ്ധ്യ​ക്ഷ​ത​ ​വ​ഹി​ക്കും.​ ​പു​തി​യ​ ​ജ​ന​റ​ൽ​ ​സെ​ക്ര​ട്ട​റി​ക്കു​ ​പു​റ​മെ​ ​പ്ര​കാ​ശ് ​കാ​രാ​ട്ട്,​ ​കേ​ര​ള​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ,​ ​മു​തി​ർ​ന്ന​ ​നേ​താ​ക്ക​ളാ​യ ​വൃന്ദാ​ ​കാ​രാ​ട്ട്,​ ​ജി.​രാ​മ​കൃ​ഷ്ണ​ൻ,​ ​കേ​ന്ദ്ര​ ​ക​മ്മി​റ്റി​ ​അം​ഗ​ങ്ങ​ളാ​യ​ ​കെ.​ബാ​ല​കൃ​ഷ്ണ​ൻ,​ ​യു.​വാ​സു​കി,​ ​പി.​സ​മ്പ​ത്ത് ​തു​ട​ങ്ങി​യ​വ​ർ​ ​സം​സാ​രി​ക്കും.