പാസിംഗ് ഔട്ട് പരേഡ് എട്ടിന്

തൃശൂർ: എക്‌സൈസ് വകുപ്പിൽ വിവിധ ജില്ലകളിൽ നിന്നും നിയമനം ലഭിച്ച് പരിശീലനം പൂർത്തിയാക്കിയ 60 സിവിൽ എക്‌സൈസ് ഓഫീസർമാരുടെയും 20 വനിതാ എക്‌സൈസ് ഓഫീസർമാരുടേയും പാസിംഗ് ഔട്ട് പരേഡ് എട്ടിന് രാവിലെ 8.30ന് തൃശൂർ എക്‌സൈസ് അക്കാഡമി ഗ്രൗണ്ടിൽ നടത്തും. മന്ത്രി എം.ബി. രാജേഷ് സേനാംഗങ്ങളുടെ അഭിവാദ്യം സ്വീകരിക്കും. എക്‌സൈസ് കമ്മിഷണർ മഹിപാൽ യാദവ് പങ്കെടുക്കും. സിവിൽ എക്‌സൈസ് ഉദ്യോഗസ്ഥരുടെ 31ാം ബാച്ചും വനിതാ സിവിൽ എക്‌സൈസ് ഉദ്യോഗസ്ഥർ ഉൾപ്പെടുന്ന 13ാം ബാച്ചുമാണ് പരിശീലനം പൂർത്തിയാക്കിയത്. ട്രെയിനികളിൽ 39 പേർ ബി.ടെക് ബിരുദധാരികളും രണ്ട് പേർ ബി.എഡ് ബിരുദധാരികളും ഒരു എം.ഫിൽ ബിരുദധാരിയും ഒരു ഡിപ്ലോമ ബിരുദധാരിയും ഉൾപ്പെടുന്നു.