കുടുംബസംഗമവും വാർഷികവും

വൈക്കം : എസ്.എൻ.ഡി.പി യോഗം ഉല്ലല 117ാം നമ്പർ ശാഖയുടെ കീഴിലുളള ടി.കെ. മാധവൻ മെമ്മോറിയൽ കുടുംബ യൂണി​റ്റിന്റെ വാർഷികവും, കുടുംബസംഗമവും യൂണിയൻ പ്രസിഡന്റ് പി.വി. ബിനേഷ് ഉദ്ഘാടനം ചെയ്തു. ശാഖാ പ്രസിഡന്റ് സാജു കോപ്പുഴ അദ്ധ്യക്ഷത വഹിച്ചു. യൂണി​റ്റ് ചെയർമാൻ എ.എസ്. ഗോപാലകൃഷ്ണൻ, സെക്രട്ടറി സി.എസ്. ആഷ, കൺവീനർ സരിത പ്രദീപ് എന്നിവർ പ്രസംഗിച്ചു. ഇടയാഴം ഹെൽത്ത് സെന്ററിലെ ഡോ. ഷാഹുൽ ആരോഗ്യ ബോധവത്കരണം നടത്തി. ലതിക ജയകുമാർ മുഖ്യപ്രഭാഷണം നടത്തി. കുടുംബാംങ്ങൾ ചേർന്ന് വിവിധ കലാപരിപാടികളും അവതരിപ്പിച്ചു.