ഇന്ത്യക്കെതിരെ നയതന്ത്ര വിലക്കുമായി പാക്കിസ്ഥാൻ

കറാച്ചി : പ​ഹ​ൽ​ഗാം ഭീകരാക്രമണത്തിലെ പാക്ക് പ​ങ്ക് ​ തുറന്നുകാട്ടുകയും നയതന്ത്രതലത്തിൽ നിയന്ത്രണങ്ങളും വിലക്കുകളും ഇന്ത്യ പ്രഖ്യാപിക്കുകയും ചെയ്തതിനു പിന്നാലെ ബദൽ നടപടികളുമായി പാക്കിസ്ഥാൻ. ഇന്ത്യൻ പൗരന്മാർക്കുള്ള വിസ മരവിപ്പിച്ചു. ഇന്ത്യൻ വിമാനങ്ങൾക്ക് പാക് വ്യോമപാതയിൽ വിലക്കേർപ്പെടുത്തി. ​സി​ന്ധു​ ​ന​ദീ​ജ​ല​ ​ക​രാ​ർ​ ​മ​ര​വി​പ്പി​ക്കാ​നുള്ള ഇന്ത്യയുടെ തീരുമാനം യുദ്ധസമാനമാണെന്ന് പാക് പ്രധാനമന്ത്രി ഷെഹ്‌ബാസ് ഷെരീഫിന്റെ നേതൃത്വത്തിൽ ചേർന്ന യോഗം വിലയിരുത്തി.

മറുപടിയായി ഷിംല കരാർ അടക്കം ഇന്ത്യയുമായുള്ള എല്ലാ ഉഭയകക്ഷി കരാറുകളും റദ്ദാക്കുമെന്നും എല്ലാ വ്യാപാര ബന്ധവും വിച്ഛേദിച്ചെന്നും ഇന്ത്യൻ നയതന്ത്റ ഉദ്യോഗസ്ഥരുടെ എണ്ണം മുപ്പതായി വെട്ടിക്കുറയ്ക്കുമെന്നും പാക്കിസ്ഥാൻ പ്രഖ്യാപിച്ചു. ഇന്ത്യൻ നയതന്ത്ര പ്രതിനിധിയെ വിളിച്ചുവരുത്തി തീരുമാനം അറിയിച്ചു.

ഇന്ത്യയുടെ ആക്രമണം ഭയന്ന് അതിർത്തിയിൽ പാക് സൈനിക വിന്യാസം കൂട്ടി. നിരീക്ഷണം ബങ്കറുകളിൽ നിന്ന് മാത്രമാക്കാനും നിർദ്ദേശം നൽകി.

പ​ഹ​ൽ​ഗാ​മി​ൽ​ 26​ ​വി​നോ​ദ​സ​ഞ്ചാ​രി​ക​ളെ​ ​അ​രും​കൊ​ല​ ​ചെ​യ്ത​തി​ൽ​ ​പാ​ക്കി​സ്ഥാ​ന്റെ​ ​പ​ങ്ക് ​വ്യ​ക്ത​മാ​യ​തിന് പിന്നാലെയാണ് ​ഇ​ന്ത്യ​ ​ശ​ക്ത​മാ​യ​ ന​ട​പ​ടി​ക​ൾ​ ​തു​ട​ങ്ങിയത്.​ ​പാ​ക് ​പൗ​ര​ൻ​മാ​ർ​ക്ക് ​ഇ​ന്ത്യ​യി​ൽ​ ​വി​ല​ക്കേ​ർ​പ്പെ​ടു​ത്തി.​ ​സി​ന്ധു​ ​ന​ദീ​ജ​ല​ ​ക​രാ​ർ​ ​മ​ര​വി​പ്പി​ക്കാ​നും​ ​തീ​രു​മാ​നി​ച്ചു.​ ഡൽഹിയിലെ പാക് ഹൈക്കമ്മിഷനിലെ പ്രതിരോധ ഉപദേഷ്ടാക്കളെ പുറത്താക്കുകയും ന​യ​ത​ന്ത്ര​ ​ബ​ന്ധം​ ​കു​റയ്ക്കുകയും ചെയ്തിരുന്നു.

പ​ഞ്ചാ​ബി​ലെ​ ​വാ​ഗ​ ​അ​ട്ടാ​രി​ ​അ​തി​ർ​ത്തി​ ​അ​ടയ്ക്കാനും ഇന്ത്യ തീരുമാനിച്ചിരുന്നു. ​​

 റൂ​ട്ട് ​മാ​റ്റി ഇ​ന്ത്യ​ൻ​ ​വി​മാ​ന​ങ്ങൾ

​ഇ​ന്ത്യ​ൻ​ ​വി​മാ​ന​ങ്ങ​ൾ​ക്ക് ​പാ​ക്കി​സ്ഥാ​ൻ​ ​വ്യോ​മ​ ​നി​രോ​ധ​നം​ ​ഏ​ർ​പ്പെ​ടു​ത്തി​യ​തോ​ടെ​ ​എ​യ​ർ​ ​ഇ​ന്ത്യ,​ ​ഇ​ൻ​ഡി​ഗോ,​ ​തു​ട​ങ്ങി​യ​വ​ ​അ​ന്താ​രാ​ഷ്ട്ര​ ​സ​ർ​വീ​സു​ക​ളു​ടെ​ ​റൂ​ട്ടു​ ​മാ​റ്റി. വ​ട​ക്കേ​ ​അ​മേ​രി​ക്ക,​ ​യു​കെ,​ ​യൂ​റോ​പ്പ്,​ ​മ​ധ്യേ​ഷ്യ​ ​എ​ന്നി​വി​ട​ങ്ങ​ളി​ലേ​ക്കോ​ ​അ​വി​ടെ​ ​നി​ന്ന് ​പു​റ​പ്പെ​ടു​ന്ന​തോ​ ​ആ​യ​ ​ചി​ല​ ​എ​യ​ർ​ ​ഇ​ന്ത്യ​ ​വി​മാ​ന​ങ്ങ​ൾ​ ​പാ​ക്കി​സ്ഥാ​ൻ​ ​ആ​കാ​ശ​ ​പാ​ത​ ​ഒ​ഴി​വാ​ക്കി​ ​ചു​റ്റി​ ​യാ​ത്ര​ ​ചെ​യ്യും.​ ​യാ​ത്രാ​ ​സ​മ​യം​ ​കൂ​ടു​മെ​ന്ന​തി​നാ​ൽ​ ​യാ​ത്ര​ക്കാ​ർ​ക്കു​ണ്ടാ​യ​ ​അ​സൗ​ക​ര്യ​ത്തി​ൽ​ ​എ​യ​ർ​ ​ഇ​ന്ത്യ​ ​ഖേ​ദം​ ​പ്ര​ക​ടി​പ്പി​ച്ചു. സ​മ​യ​മാ​റ്റം​ ​യാ​ത്ര​യെ​ ​ബാ​ധി​ക്കു​ന്ന​വ​ർ​ക്ക് ​പ​ക​രം​ ​വി​മാ​നം​ ​തി​ര​ഞ്ഞെ​ടു​ക്കാ​നും​ ​വെ​ബ്‌​സൈ​റ്റ് ​വ​ഴി​ ​റീ​ഫ​ണ്ട് ​ക്ലെ​യിം​ ​ചെ​യ്യാ​നും​ ​സൗ​ക​ര്യ​മു​ണ്ടാ​കു​മെ​ന്ന് ​ഇ​ൻ​ഡി​ഗോ​ ​അ​റി​യി​ച്ചു.